മണിക്ക് കുടുംബപ്രശ്നം ഉണ്ടായിരുന്നതായി വെളിപ്പെടുത്തൽ

കലാഭവൻ മണിയുടെ മരണവുമായി ബന്ധപ്പെട്ട് വിവാദങ്ങൾ ഉയരുന്നതിനിടെ മണിയുടെ കുടുംബത്തിനെതിരെ സഹായികളുടെ ബന്ധുക്കൾ. മൂന്ന് മാസമായി മണി വീട്ടിൽ നിന്ന് വിട്ടു നിൽക്കുകയായിരുന്നുവെന്ന് മണിയുടെ സഹായി അരുണിന്‍റെ അച്ഛൻ അയ്യപ്പൻ പറഞ്ഞു. ഈ സമയത്ത് തിരിഞ്ഞു നോക്കാത്തയാളാണ് മണിയുടെ സഹോദരൻ രാമകൃഷ്ണനെന്നും അദ്ദേഹം ആരോപിച്ചു.

മരിക്കുന്നതിന് 20 ദിവസം മുൻപ് മണി പാടിയിലെ ഔട്ട്ഹൗസിൽ കിടപ്പിലായിരുന്നു. ഈ സമയത്ത് മണി വീട്ടിൽ പോയിട്ടില്ല. ഭാര്യ നിമ്മിയോ സഹോദരൻ രാമകൃഷ്ണനോ മണിയെ കാണാനായി പാടിയിൽ വന്നിട്ടില്ലെന്നും ബന്ധുക്കൾ പറയുന്നു. വീട്ടിൽ ചെന്നാൽ സ്വസ്ഥത ഇല്ലായിരുന്നുവെന്ന് മണി പറഞ്ഞിരുന്നു. ആറ് ദിവസമായി പോലീസ് കസ്റ്റഡിയിലുള്ള അരുൺ ഇന്നലെയാണ് വീട്ടിലേക്ക് വിളിച്ചതെന്നും അരുണിന്‍റെ അച്ഛൻ പറഞ്ഞു.