മണിക്ക് ആന്തരിക രക്തസ്രാവം; പോസ്റ്റ്മോ‍ർട്ട് റിപ്പോർട്ട് പുറത്ത്

തൃശൂ‍ർ: കരൾരോഗത്തോടൊപ്പം ആന്തരിക രക്തസ്രാവവും കലാഭവന്‍ മണിക്കുണ്ടായിരുന്നുവെന്ന് പോസ്റ്റുമോര്‍ട്ടം റിപ്പോ‍ർട്ട്. മണിയുടെ പോസ്റ്റുമോര്‍ട്ടം റിപ്പോര്‍ട്ട് അന്വേഷണസംഘത്തിന് കൈമാറിയിട്ടുണ്ട്.

കലാഭവന്‍ മണിയുടെ കിഡ്‌നിക്ക് തകരാറുണ്ടായിരുന്നതായി പോസ്റ്റമോര്‍ട്ടം റിപ്പോര്‍ട്ടില്‍ പരാമര്‍ശമുണ്ട്. കരള്‍രോഗം മൂര്‍ച്ഛിച്ച അവസ്ഥയില്‍ ആന്തരിക രക്തസ്രാവവും പോസ്റ്റുമോര്‍ട്ടത്തിലൂടെ വ്യക്തമായി. അതെസമയം, മെഥനോളിന്റെ അളവ് സംബന്ധിച്ച് ആന്തരികാവയവങ്ങളുടെ രാസപരിശോധനക്ക് ശേഷമേ വിവരങ്ങള്‍ ലഭ്യമാകൂവെന്നാണ് ഡോക്ടര്‍മാര്‍ പൊലീസിന് നല്‍കിയ വിവരം.

മണിയുടെ മരണവുമായി ബന്ധപ്പെട്ട് നടന്‍ സാബു ഉള്‍പ്പെടെ സഹായികളും സുഹൃത്തുക്കളുമായ എട്ട് പേരെ അന്വേഷണസംഘം ചോദ്യം ചെയ്തു. മണി തന്റെ സാന്നിധ്യത്തില്‍ മദ്യപിച്ചിരുന്നില്ലെന്ന് സാബു പറഞ്ഞു. തനിക്കെതിരെ സമൂഹമാധ്യമങ്ങളില്‍പ്രചരിക്കുന്ന വ്യാജവാര്‍ത്തകള്‍ക്കെതിരെ നിയമനടപടിയുമായി മുന്നോട്ടുപോകുമെന്നും സാബു പറഞ്ഞു.