ആവേശമായി കാലടി സ‍ർവ്വകലാശാലയിൽ 'കട്‍പുത്തലി'

കാലടി: ശ്രീശങ്കരാചാര്യ സംസ്കൃത സര്‍വകലാശാല യൂണിയന്‍ കലോത്സവം 'കട്‍പുത്തലി-2017 ' ആവേശമായി.

ചിത്രങ്ങൾ: അജിലാൽ

കാവടിയാട്ടം, വിവിധയിനം നൃത്തങ്ങള്‍, കോല്‍ക്കളി, പ്ളോട്ടുകള്‍ എന്നിവയാല്‍ ഏറെ ശ്രദ്ധേയമായിതീർന്ന ഘോഷയാത്ര പരിപാടിയുടെ മാറ്റ് കൂട്ടുന്നതായിരുന്നു. കലോത്സവ നഗരിയിൽ സ്ഥാപിച്ച എ ബസ് ടു പാകിസ്ഥാൻ എന്ന കലാസൃഷ്ടി ഏറെ വിവാദമായിരുന്നു. ക്യാമ്പസ് കവാടത്തിനുമുമ്പിലാണ് പാകിസ്ഥാനിലേക്കുള്ള കെ.എസ്.ആർ.ടി.സി ബസിന്റെ മാതൃകയുള്ളത്. കലാകാരന്മാർ താമസിക്കുന്ന ഉത്തരേന്ത്യയിലെ കട്പുത്തലി എന്ന കോളനി പൊളിച്ചുനീക്കാനുള്ള നീക്കത്തിനെതിരെയാണിത്.

ചലച്ചിത്രതാരം മണികണ്ഠന്‍ ആചാരി കലോത്സവം ഉദ്ഘാടനംചെയ്തത്. മാ‍ർച്ച് 20,21,22 എന്നീ മൂന്ന് ദിവസങ്ങളിലായി അഞ്ച് വേദികളില്‍ നടക്കുന്ന കലാപരിപാടികളിലും മത്സരങ്ങളിലും ഒമ്പത് സെന്ററുകളില്‍നിന്ന് ആയിരത്തോളം വിദ്യാര്‍ഥികള്‍ മാറ്റുരച്ചു. കട്പുത്തലി നഗരിയിൽ നിന്നുള്ള ചില ചിത്രങ്ങൾ.



Kalady Sanskrit university youth festival 'Katputhali'
"A bus to Pakistan" instalation and many other varieties from Kalady Sanskrit university youth festival 'Katputhali'.