കമല്‍ മോദിയെ 'നരാധമന്‍' എന്നു വിളിച്ചത് ശരിയായില്ല: കൈതപ്രം

കോഴിക്കോട്: സംവിധായകന്‍ കമല്‍ പ്രധാനമന്ത്രി നരേന്ദ്ര മോദിയെ നരാധമന്‍ എന്നുവിളിച്ചത് ശരിയായില്ലെന്ന് കവിയും ഗാനരചയിതാവുമായ കൈതപ്രം ദാമോദരന്‍ നമ്പൂതിരി. കോഴിക്കോട് ജില്ലാ കോണ്‍ഗ്രസ് കമ്മിറ്റി സംഘടിപ്പിച്ച തമസോ മാ ജ്യോതിര്‍ഗമയ എന്ന സാംസ്കാരിക പ്രതിരോധ സംഗമത്തില്‍ സംസാരിക്കുമ്പോളായിരുന്നു കൈതപ്രം വിവാദ വിഷയത്തില്‍ തന്‍റെ അഭിപ്രായം പറഞ്ഞത്.

കമലിനെ 30 വര്‍ഷമായി തനിക്ക് അറിയാം. അദ്ദേഹത്തെപ്പോലെ സംസ്കൃതചിത്തനായ ഒരാള്‍ അത്തരം പ്രയോഗം നടത്തരുതായിരുന്നു. എന്നാല്‍ അത് പിന്‍വലിക്കണമെന്ന് താന്‍ പറയില്ല. കാരണം അത് കമലിന്‍റെ ഇഷ്ടമാണ്, കൈതപ്രം പറഞ്ഞു. കമല്‍ തന്‍റെ പരാമര്‍ശം പിന്‍വലിച്ചാല്‍ വിവാദം അവസാനിക്കുമെന്നാണ് താന്‍ കരുതുന്നതെന്നും അദ്ദേഹം കൂട്ടിച്ചേര്‍ത്തു.

Director Kamal shouldn't have called PM Modi a 'man eater,' says lyricist Kaithapram.