തീരുമാനങ്ങളിൽ വിഭാഗീയതയില്ലെന്ന് കാനം രാജേന്ദ്രൻ

കൊല്ലം: സിപിഐ ദേശീയ കൗൺസിലിൽ നിന്ന് സി.ദിവാകരനെ ഒഴിവാക്കിയതിൽ വിഭാഗീയതയില്ലെന്ന് വ്യക്തമാക്കി കാനം രാജേന്ദ്രൻ. തീരുമാനങ്ങൾ ഏകകാണ്ഠമാണെന്നും കാനം വ്യക്തമാക്കി. ഭരണഘടന അനുസരിച്ചാണ് 20 ശതമാനം പേരെ ഒഴിവാക്കിയതെന്ന് കാനം രാജേന്ദ്രൻ കൂട്ടിച്ചേർത്തു.

ദേശീയ കൗൺസിലിൽ നിന്ന് സി.ദിവാകരനെയും സി.എൻ.ചന്ദ്രനെയും ഒഴിവാക്കിയതിൽ പ്രതിഷേധം ഉയർന്നിരുന്നു. സി.ദിവാകരനും സി.എൻ.ചന്ദ്രനും പരസ്യപ്രതിഷേധവുമായി രംഗത്തെത്തിയിരുന്നു. കേരള പ്രതിനിധികളുടെ യോഗം ബഹിഷ്‌കരിച്ച് സി.ദിവാകരൻ പ്രതിഷേധിച്ചു.

ഇസ്‌മായിൽ പക്ഷക്കാരാണ് ഇരുവരും. സത്യൻ മൊകേരിയെയും കമലാ സദാനന്ദനെയും ദേശീയ കൗൺസിലിൽ നിന്ന് ഒഴിവാക്കിയിട്ടുണ്ട്. കേരളത്തിൽ നിന്ന് ഇത്തവണ പുതിയ അഞ്ച് പേരുൾപ്പടെ 14 അംഗങ്ങളുണ്ട്.