പാലക്കാട്: കഞ്ചിക്കോട് ടിന്നർ നിർമ്മാണ ഫാക്ടറിക്ക് തീപിടിച്ച് ഒരു സ്ത്രീ തൊഴിലാളിക്ക് പൊള്ളലേറ്റു. തിന്നർ നിർമ്മിക്കുന്ന ക്ലിയർ ലാക് കമ്പനിയിലാണ് തീപിടുത്തമുണ്ടായത്. രാവിലെ പതിനൊന്നു മണിയോടെയായിരുന്നു സംഭവം. നാല് ഫയർഫോഴ്സ് യൂണിറ്റുകളെത്തിയാണ് തീ നിയന്ത്രണവിധേയമാക്കിയത്. കഞ്ചിക്കോട് സ്വദേശി അരുണ (40)നാണ് പൊള്ളലേറ്റത്. ഒമ്പത് വനിതാ ജീവനക്കാരാണ് സംഭവ സമയത്ത് ഫാക്ടറിയിൽ ഉണ്ടായിരുന്നത്. അരുണയൊഴികെയുള്ളവർ സുരക്ഷിതരാണ്.
സുരക്ഷാ ക്രമീകരണങ്ങളുടെ അഭാവമാണ് തീപിടുത്തത്തിനു കാരണമെന്ന് ഫയർഫോഴ്സ് പറഞ്ഞു. തീപിടുത്തത്തിനിടെ ടർപ്പന്റൈൻ ക്യാനുകൾ പൊട്ടിത്തെറിച്ച് ടിന്നർ പരന്നൊഴുകിയതാണ് തീപിടുത്തത്തിന്റെ ആഘാതം വർദ്ധിപ്പിച്ചത്. നാൽപ്പതിനായിരം ലിറ്റർ ടർപ്പന്റൈനാണ് ഫാക്ടറിയിൽ സൂക്ഷിച്ചിരുന്നത്.
സുരക്ഷാ ക്രമീകരണങ്ങളുടെ അഭാവമാണ് തീപിടുത്തത്തിനു കാരണമെന്ന് ഫയർഫോഴ്സ് പറഞ്ഞു. തീപിടുത്തത്തിനിടെ ടർപ്പന്റൈൻ ക്യാനുകൾ പൊട്ടിത്തെറിച്ച് ടിന്നർ പരന്നൊഴുകിയതാണ് തീപിടുത്തത്തിന്റെ ആഘാതം വർദ്ധിപ്പിച്ചത്. നാൽപ്പതിനായിരം ലിറ്റർ ടർപ്പന്റൈനാണ് ഫാക്ടറിയിൽ സൂക്ഷിച്ചിരുന്നത്.