കാഞ്ഞങ്ങാട്: കുടിവെള്ള പ്ലാന്റിലെ മലിനജല ടാങ്കിൽ ജീവനക്കാരി മരിച്ച നിലയിൽ. സ്വകാര്യ കുടിവെള്ള നിർമാണ കമ്പനിയിലെ മലിനജല ടാങ്കിലാണ് മൃതദേഹം കണ്ടെത്തിയത്. സ്വകാര്യ കുടിവെള്ള പ്ലാന്റിലെ ജീവനക്കാരിയായ ഉമാവതി (45) യെയാണ് മരിച്ച നിലയിൽ കണ്ടെത്തിയത്.
Also Read: മാരാരിക്കുളത്ത് നാട്ടുകാർ മർദ്ദിച്ചെന്ന പരാതിയുമായി ട്രാന്‍സ്‍ജെന്‍ഡേഴ്സ്
മേലെ കുമ്പളയിലെ പരേതനായ കൃഷ്ണന്റെ ഭാര്യയാണ് ഉമാവതി. മലിനജല ടാങ്കിന് രണ്ടാൾ താഴ്ചയുണ്ട്‌. അമ്മയെ കാണാതായതോടെ മകൾ അന്വേഷിച്ച് ജോലി സ്ഥലത്തെത്തിയിരുന്നു. ഇന്നലെ ഉച്ചക്ക് ആശുപത്രിയിൽ പോകണമെന്ന് പറഞ്ഞ് ഉമാവതി നേരത്തെ സ്ഥാപനത്തിൽ നിന്ന് പോയിരുന്നു. മറയുള്ള മലിനജല ടാങ്കിലാണ് മൃതദേഹം കണ്ടെത്തിയത്.
Also Read: മാളയിൽ ദമ്പതികൾ വിഷം ഉള്ളിൽ ചെന്ന് മരിച്ച നിലയിൽ
മകൾ ആണ്വസെഷിച്ചെത്തിയപ്പോൾ ഉമാവതിക്കായി പ്ലാന്റിൽ തെരച്ചിൽ നടത്തിയെങ്കിലും കണ്ടെത്താൻ കഴിഞ്ഞില്ല. ഇന്നലെ വൈകുന്നേരം വീണ്ടും അന്വേഷിച്ചപ്പോഴാണ് മൃതദേഹം മലിനജല ടാങ്കിൽ കണ്ടെത്തിയത്. ഉമാവതിയുടെ മൃതദേഹം ജില്ലാ ആശുപത്രിയുടെ മോർച്ചറിയിലേക്ക് മാറ്റി. കാവ്യ കൃഷ്ണൻ, അഞ്‌ജലി കൃഷ്ണൻ എന്നിവർ മക്കളാണ്.