തിരുവനന്തപുരം: കാസർഗോഡ് സ്വദേശി ടിക് ടോക്കിലൂടെ പരിചയപ്പെട്ട പെൺകുട്ടിയെ പീഡിപ്പിച്ചു. വിവാഹവാഗ്ദാനം നൽകി വായനാട്ടിലുള്ള റിസോർട്ടിൽ എത്തിച്ചാണ് പെൺകുട്ടിയെ പീഡിപ്പിച്ചത്. പെൺകുട്ടിയെ പീഡിപ്പിച്ച കേസിൽ 23കാരനായ ആഷിക് അറസ്റ്റിലായി. ബെംഗളൂരുവിലെ ഹോട്ടലിൽ സൂപ്പർവൈസറാണ് ആഷിക്.
എറണാകുളത്ത് ഹോസ്റ്റലിൽ നിന്ന് പഠിക്കുന്ന വിദ്യാർഥിനിയെയാണ് ആഷിക് പീഡിപ്പിച്ചത്. പെൺകുട്ടിയുടെ അച്ഛന്റെ സഹോദരനാണ് എന്ന് ഹോസ്റ്റൽ അധികൃതരെ വിശ്വസിപ്പിച്ചാണ് ആഷിക് പെൺകുട്ടിയെ ഹോസ്റ്റലിൽ നിന്ന് കൊണ്ട് പോയത്. എന്നാണ് ആഷിക് ഹോസ്റ്റലിൽ പറഞ്ഞത്.
Also Read: വിവാഹവാഗ്ദാനം നൽകി പീഡിപ്പിച്ചു; മതം മാറണമെന്നും ആവശ്യം: മൂവാറ്റുപുഴ സ്വദേശി അറസ്റ്റിൽ
രണ്ടു ദിവസം കഴിഞ്ഞിട്ടും പെൺകുട്ടിയെ കുറിച്ച് വിവരമില്ലാതിരുന്നതിനെ തുടർന്ന് ഹോസ്റ്റൽ അധികൃതർ കുട്ടിയുടെ വീട്ടിൽ വിവരമറിയിച്ചു. തുടർന്ന് ബന്ധുക്കൾ പെൺകുട്ടിയെ കാണാനില്ലെന്ന് കാണിച്ച് പോലീസിൽ പരാതി നൽകി. പോലീസ് നടത്തിയ അന്വേഷണത്തിലാണ് പെൺകുട്ടിയെ പീഡിപ്പിച്ചെന്ന വിവരം പുറത്തറിഞ്ഞത്. തിരുവനന്തപുരം പള്ളിക്കൽ പോലീസിനാണ് പെൺകുട്ടിയെ കാണാനില്ലെന്ന പരാതി ബന്ധുക്കൾ നൽകിയത്. അറസ്റ്റിലായ ആഷിക്കിനെ കോടതി റിമാൻഡ് ചെയ്തു.