കാസര്‍ഗോഡ്‌: കാലിച്ചാനടുക്കം വാളാപാടി ചാലില്‍ മീന്‍ പിടിക്കുന്നത്തിനിടയില്‍ യുവാവ് ഷോക്കേറ്റ് മരിച്ചു. വാളാപാടിയിലെ തേക്കിന്‍ കാട്ടില്‍ തങ്കച്ചന്‍ ലീല ദമ്പതികളുടെ മകന്‍ ലിജോ (29) ആണ് മരിച്ചത്. ബുധനാഴ്ച വൈകിട്ട് അഞ്ചു മണിയോടെയാണ് സംഭവം.
Also Read: കൊവിഡ് 19 ആഗോളമഹാമാരി։ ഔദ്യോഗിക പ്രഖ്യാപനവുമായി ലോകാരോഗ്യ സംഘടന
വൈദ്യുത ലൈനില്‍ നിന്ന് വൈദ്യുതിയെടുത്താണ് വാളാപാടിയിലെ തോട്ടില്‍ ചൂണ്ടയിട്ട് മീന്‍പിടുത്തം നടത്തിയിരുന്നത്. അബദ്ധത്തില്‍ ഷോക്കേല്‍ക്കുകയായിരുന്നു. മൃതദേഹം വ്യാഴാഴ്ച രാവിലെ പോസ്റ്റ് മോര്‍ട്ടത്തിന് ശേഷം വീട്ടിലെത്തിക്കും. ലിജോ അടുത്തിടേയാണ് ഗള്‍ഫില്‍ നിന്നും നാട്ടിലെത്തിയത്. ഭാര്യ: ചിഞ്ചു (കരുവഞ്ചാല്‍ ). സഹോദരന്‍: ജിജോ