കണ്ണൂര്: ലോക്സഭാ തെരഞ്ഞെടുപ്പിൽ കണ്ണൂര് മണ്ഡലത്തിൽ നിന്ന് വയൽക്കിളികളും മത്സരിക്കും. കണ്ണൂർ മണ്ഡലത്തിൽ സ്വതന്ത്ര സ്ഥാനാര്ത്ഥിയാകുമെന്ന് സുരേഷ് കീഴാറ്റൂർ പ്രഖ്യാപിച്ചു. പരിസ്ഥിതി സമരത്തിന് ഒരു വോട്ട് എന്നാണ് മുദ്രാവാക്യം. കേരളത്തിലുള്ള പരിസ്ഥിതി സമരങ്ങളുടെ പ്രതീകമായാണ് ജനവിധി തേടുന്നത്. കണ്ണൂര് മണ്ഡലത്തിൽ നിന്ന് സുരേഷ് കീഴാറ്റൂരാകും മത്സരിക്കുക. മറ്റുള്ളവര് വിവിധ മണ്ഡലങ്ങളിൽ നിന്ന് തിരഞ്ഞെടുപ്പിനെ നേരിടുമെന്ന് വയൽക്കിളികള് അറിയിച്ചു. പരിസ്ഥിതി സമരങ്ങളുടെ പ്രാധാന്യം പൊതുസമൂഹത്തിനു മുന്നിൽ അവതരിപ്പിക്കുക എന്നതാണ് ഇതിലൂടെ ഉദ്ദേശിക്കുന്നതെന്നും വയൽക്കിളികള് കൂട്ടിച്ചേർത്തു.
കാസര്ഗോഡ് മണ്ഡലത്തിൽ പെട്രോളിയം സംഭരണശാലക്കെതിരെ സമരം ചെയ്യുന്നവരും വയൽക്കിളികളുടെ തീരുമാനത്തിന് പിന്തുണ പ്രഖ്യാപിച്ചിട്ടുണ്ട്.
അതേസമയം കഴിഞ്ഞ മാസം വയൽക്കിളികള് ഭൂമി വിട്ടു നൽകുന്നതിനായുള്ള രേഖകള് കൈമാറിയിരുന്നു. ദേശീയ പാത ബൈപ്പാസിനായി ഭൂമി ഏറ്റെടുക്കുന്നതിന് കേന്ദ്ര ഉപരിതലഗതാഗത മന്ത്രാലയം വിജ്ഞാപനം പുറപ്പെടുവിച്ചിരുന്നു. ഇതേ തുടര്ന്നാണ് രേഖകള് കൈമാറിയത്. ഭൂമി വിട്ടു കൊടുത്താലും ബൈപ്പാസിനെതിരായ നിയമപോരാട്ടം തുടരുമെന്നാണ് വയല്ക്കിളികള് വ്യക്തമാക്കിയിട്ടുണ്ട്.
കാസര്ഗോഡ് മണ്ഡലത്തിൽ പെട്രോളിയം സംഭരണശാലക്കെതിരെ സമരം ചെയ്യുന്നവരും വയൽക്കിളികളുടെ തീരുമാനത്തിന് പിന്തുണ പ്രഖ്യാപിച്ചിട്ടുണ്ട്.
അതേസമയം കഴിഞ്ഞ മാസം വയൽക്കിളികള് ഭൂമി വിട്ടു നൽകുന്നതിനായുള്ള രേഖകള് കൈമാറിയിരുന്നു. ദേശീയ പാത ബൈപ്പാസിനായി ഭൂമി ഏറ്റെടുക്കുന്നതിന് കേന്ദ്ര ഉപരിതലഗതാഗത മന്ത്രാലയം വിജ്ഞാപനം പുറപ്പെടുവിച്ചിരുന്നു. ഇതേ തുടര്ന്നാണ് രേഖകള് കൈമാറിയത്. ഭൂമി വിട്ടു കൊടുത്താലും ബൈപ്പാസിനെതിരായ നിയമപോരാട്ടം തുടരുമെന്നാണ് വയല്ക്കിളികള് വ്യക്തമാക്കിയിട്ടുണ്ട്.