കോ​ട​തി​യി​ല്‍ ഹാ​ജ​രാ​കാ​ന്‍ ദി​ലീ​പി​നു സ​മ​ന്‍​സ്

കൊച്ചി: നടിയെ ആക്രമിച്ച കേസില്‍ നടന്‍ ദിലീപിനു കോടതി സമന്‍സ് അയച്ചു. ഈ മാസം 19ന് കോടതിയില്‍ നേരിട്ടു ഹാജരാകാനാണു സമന്‍സില്‍ നിര്‍ദേശം. കേസില്‍ അന്വേഷണസംഘം സമര്‍പ്പിച്ച കുറ്റപത്രം സ്വീകരിച്ചതിനെ തുടര്‍ന്നാണ് അങ്കമാലി ഒന്നാം ക്ലാസ് മജിസ്ട്രേറ്റ് കോടതി സമന്‍സ് അയച്ചത്.

ദിലീപിനെ കൂടാതെ, കേസിലെ പ്രതികളായ വിഷ്ണു, മേസ്തിരി സുനില്‍ എന്നിവര്‍ക്കും കോടതി സമന്‍സ് കൈമാറി. ദിലീപ് ഉള്‍പ്പെടെ പന്ത്രണ്ടുപേരെ പ്രതികളാക്കി കഴിഞ്ഞ മാസം 22നു സമര്‍പ്പിച്ച 1542 പേജുള്ള കുറ്റപത്രത്തില്‍ ദിലീപിന്‍റെ മുന്‍ ഭാര്യ മഞ്ജുവാര്യര്‍ ഉള്‍പ്പെടെ 355 സാക്ഷികളാണുള്ളത്. പരിശോധനയ്ക്കിടെ കോടതി അന്വേഷണ ഉദ്യോഗസ്ഥരെ വിളിച്ചുവരുത്തി സാങ്കേതിക സംശയങ്ങള്‍ ഉന്നയിച്ചിരുന്നു.

സംശയങ്ങള്‍ തീര്‍ത്ത കുറ്റപത്രമാണു കോടതി സ്വീകരിച്ചത്. പ്രതികള്‍ക്കെതിരേ കൂട്ട ബലാത്സംഗം അടക്കമുള്ള കുറ്റങ്ങള്‍ ചുമത്തിയിട്ടുള്ളതിനാല്‍ തുടര്‍നടപടികള്‍ എറണാകുളം ജില്ലാ സെഷന്‍സ് കോടതിയിലാണു നടക്കുക.