2021 നിയമസഭാ തെരഞ്ഞെടുപ്പ്: എങ്ങനെ വോട്ടർ പട്ടിക പുതുക്കാം, പേര് ചേർക്കാം? സമഗ്ര പദ്ധതിയുമായി തെരഞ്ഞെടുപ്പ് കമ്മീഷൻ

തിരുവനന്തപുരം: 2021 നിയമസഭ തെരഞ്ഞെടുപ്പ് വോട്ടർപ്പട്ടികയിൽ പരമാവധി പേരെ ഉൾപ്പെടുത്താൻ സമഗ്ര പദ്ധതിയുമായി തെരഞ്ഞെടുപ്പ് കമ്മീഷൻ. വോട്ടർ പട്ടിക പുതുക്കുന്നതിനൊപ്പം ആക്ഷേപങ്ങളും പരാതികളും സമർപ്പിക്കാനുള്ള തീയതി ഡിസംബർ 31വരെ നീട്ടുകയും ചെയ്‌തു.

Also Read: സിസ്റ്റർ അഭയ കൊല്ലപ്പെട്ടതെങ്ങനെ? വൈദികനും കന്യാസ്ത്രീയും യഥാർത്ഥത്തിൽ പ്രതികളാണോ?

കരട് പട്ടികയിലുള്ളവരുടെ അവകാശങ്ങളോ എതിർപ്പുകളോ വോട്ടർമാർക്ക് ഡിസംബർ 31വരെ സമർപ്പിക്കാമെന്ന് മുഖ്യ തെരഞ്ഞെടുപ്പ് ഓഫീസർ ടിക്കാറാം മീണ അറിയിച്ചു. വോട്ടർ പട്ടിക പുതുക്കുന്നതുമായി ബന്ധപ്പെട്ടുള്ള ആവശ്യങ്ങൾ ശക്തമായതോടെയാണ് തെരഞ്ഞെടുപ്പ് കമ്മീഷൻ തീയതി നീട്ടിയത്.

നിലവിൽ 2,63,00,000 ഓളം പേരാണ് നിലവിൽ കരട് വോട്ടർപട്ടികയിലുള്ളത്. പട്ടിക പുതുക്കുന്നതോടെ വോട്ടർമാരുടെ എണ്ണം 2,69,00,000 ആകുമെന്നാണ് തെരഞ്ഞെടുപ്പ് കമ്മീഷൻ്റെ നിഗമനം. 2021 ജനുവരി ഒന്നിനോ അതിന് മുൻപോ 18 വയസ് പൂർത്തിയാകുന്നവാർക്ക് വോട്ടർ പട്ടികയിൽ പേരുവിവരങ്ങൾ ചേർക്കാൻ കഴിയും.

Also Read: സി എം രവീന്ദ്രൻ എന്നാൽ സി.എമ്മിന്‍റെ രവീന്ദ്രൻ; ആശുപത്രിയിലായത് മുഖ്യമന്ത്രി പറഞ്ഞിട്ട്: കെ.സുരേന്ദ്രൻ

നിലവിലെ പട്ടികയിൽ ആവശ്യമായ മാറ്റങ്ങൾ നിയമാനുസൃതമാക്കി നടത്താൻ കഴിയും. പ്രായപൂർത്തിയായ ആരെയും വോട്ടർപട്ടികയിൽ നിന്ന് വിട്ട് പോകാതിരിക്കാൻ എല്ലാ വകുപ്പുകളുടെയും സഹകരണത്തോടെ 31വരെ സമഗ്രമായ ക്യാമ്പയിൻ നടത്താം.

വോട്ടർപട്ടികയിൽ എല്ലാ അർഹരെയും ഉൾപ്പെടുത്തുന്നത് വേഗത്തിലാക്കാൻ വിവിധ വകുപ്പ് സെക്രട്ടറിമാരെയും ഉദ്യോഗസ്ഥരുമായും മുഖ്യ തെരഞ്ഞെടുപ്പ് ഓഫീസർ ചർച്ച നടത്തും.
18 വയസ് തികഞ്ഞ വിദ്യാർഥികൾ, ട്രാൻസ്‌ജെൻഡേഴ്‌സ്, ഭിന്നശേഷിക്കാർ, ഓരോ മേഖലയിലെയും പ്രമുഖ വ്യക്തികൾ തുടങ്ങി എല്ലാവരെയും ബന്ധപ്പെട്ട വകുപ്പുകൾ മുഖേനെ പേരുചേർക്കാൻ സമഗ്രമായ പരിപാടികൾ ഈ മാസം നടപ്പാക്കും.

Also Read: കേന്ദ്ര ഏജന്‍സികള്‍ നോക്കിനില്‍ക്കുന്നു; സി എം രവീന്ദ്രനെ രക്ഷപെടുത്താന്‍ ബിജെപി- സിപിഎം ധാരണയെന്ന് മുല്ലപ്പള്ളി

ഇൻഫർമേഷൻ പബ്ലിക് റിലേഷൻസ് വകുപ്പ് മുഖേനെ ഇതിനായി പ്രത്യേക പത്രക്കുറിപ്പുകൾ, പോസ്‌റ്ററുകൾ, ഹ്രസ്വ വീഡിയോകൾ, ഗവ വെബ്‌സൈറ്റുകളിൽ വോട്ടർപട്ടികയിൽ പേര് ചേർക്കാനുള്ള ലിങ്ക് ഉൾപ്പെടുത്തൽ, റേഡിയോ റേഡിയോ പ്രചാരണം തുടങ്ങിയ ഇക്കാലയളവിൽ നടത്തുമെന്ന് മുഖ്യ തെരഞ്ഞെടുപ്പ് ഓഫീസർ അറിയിച്ചു. വോട്ടർ പട്ടികയിൽ പേരുവിവരങ്ങൾ ഉണ്ടോയെന്ന് എല്ലാവരും ഉറപ്പാക്കണമെന്നും അദ്ദേഹം പറഞ്ഞു.