നിയമസഭാ സമ്മേളനം ജൂണ്‍ രണ്ടിന്; ബജറ്റ് ജൂലൈ എട്ടിന്

തിരുവനന്തപുരം: പിണറായി മന്ത്രിസഭയുടെ ആദ്യ നിയമസഭ സമ്മേളനം ജൂണ്‍ രണ്ടിന് ചേരും.ജൂണ്‍ മൂന്നിന് സ്പീക്കര്‍ തെരഞ്ഞെടുപ്പ് നടക്കും. 24ന് പുതിയ സര്‍ക്കാരിന്റെ നയപ്രഖ്യാപനം ഗവര്‍ണര്‍ അവതരിപ്പിക്കും.

ജൂലൈ 8ന് ബജറ്റ് അവതരിപ്പിക്കും. സിപിഐഎമ്മിന്റെ പൊന്നാനി എംഎല്‍എ പി ശ്രീരാമകൃഷ്ണനാണ് എല്‍ഡിഎഫിന്റെ സ്പീക്കര്‍ സ്ഥാനാര്‍ത്ഥി. സിപിഐയുടെ വി ശശി ഡെപ്യൂട്ടി സ്പീക്കറാകും. പ്രതിപക്ഷ നേതാവ് ആരാണെന്ന കാര്യത്തില്‍ ഇതുവരെ യുഡിഎഫ് തീരുമാനമെടുത്തിട്ടില്ല. നിയമസഭയിൽ യുഡിഎഫിന് 47 അംഗങ്ങളാണുള്ളത്. ബിജെപിക്ക് ഒന്നും സ്വതന്ത്രനായ പിസി ജോര്‍ജ്ജുമാണ് മറ്റു അംഗങ്ങള്‍.