കോഴിക്കോട്: കുറ്റ്യാടിയിൽ പൗരത്വ നിയമ ഭേദഗതിയെ അനുകൂലിച്ചുള്ള റാലിയിൽ പ്രകോപനപരമായ മുദ്രാവാക്യം മുഴക്കി ബിജെപി പ്രവര്ത്തകര്. 'ഓര്മ്മയില്ലേ ഗുജറാത്ത്' എന്ന മുദ്രാവാക്യം മുഴക്കിയാണ് ബിജെപി പ്രവര്ത്തകര് രംഗത്തുവന്നത്. ബിജെപി ജനറൽ സെക്രട്ടറി എം ടി രമേശ് ഉദ്ഘാടനം ചെയ്ത രാഷ്ട്ര രക്ഷാറാലിയിലാണ് സംഭവം.
Also Read: എവിടെ സ്റ്റാലിൻ? ഡിഎംകെയില്ലാതെ പ്രതിപക്ഷയോഗം! കോൺഗ്രസ്-ഡിഎംകെ ബന്ധം തകർച്ചയിലേക്കോ?
ഇന്നലെ വൈകിട്ട് ബിജെപി കുറ്റ്യാടി മണ്ഡലം കമ്മിറ്റി സംഘടിപ്പിച്ച രാഷ്ട്ര രക്ഷാറാലിക്ക് മുന്നോടിയായി നടന്ന പ്രകടനത്തിലാണ് ബിജെപി പ്രവര്ത്തകര് പ്രകോപനപരമായ മുദ്രാവാക്യം മുഴക്കിയത്. 2002 ലെ ഗുജറാത്ത് കലാപവും വംശഹത്യയും ഓര്മ്മിപ്പിച്ചുകൊണ്ടായിരുന്നു പ്രവര്ത്തകരുടെ മുദ്രാവാക്യം. പൗരത്വ നിയമ ഭേദഗതിയെ അനുകൂലിച്ചുള്ള റാലിയിൽ പ്രതിഷേധിച്ച് പ്രദേശത്തെ നിരവധി വ്യാപാര സ്ഥാപനങ്ങൾ അടച്ചുപൂട്ടിയിരുന്നു. അതേസമയം സംഭവത്തിൽ പോലീസ് കേസ് രജിസ്റ്റര് ചെയ്തിട്ടില്ല.
Also Read: കളിയിക്കാവിള കൊലപാതകം: മുഖ്യപ്രതികൾ അറസ്റ്റിൽ, പിടിയിലായത് റെയിൽവേ സ്റ്റേഷനിൽ നിന്ന്