ധനമന്ത്രി തോമസ് ഐസക്കിന്‍റെ അസി. പ്രൈവറ്റ് സെക്രട്ടറിയെ മാറ്റി

തിരുവനന്തപുരം: സംസ്ഥാന ബജറ്റ് ചോര്‍ന്നെന്ന ആക്ഷേപം ഉയര്‍ന്നതിന് പിന്നാലെ ധനമന്ത്രിയുടെ അസിസ്റ്റന്‍റ് പ്രൈവറ്റ് സെക്രട്ടറിയെ തൽസ്ഥാനത്ത് നിന്ന് മാറ്റി. മാധ്യമങ്ങളുടെ ചുമതല വഹിക്കുന്ന അസി. പ്രൈവറ്റ് സെക്രട്ടറി മനോജ് കെ പുതിയവിളയെയാണ് തല്‍സ്ഥാനത്തു നിന്ന് നീക്കിയത്. പി.ആര്‍.ഡി ഉദ്യോഗസ്ഥനാണ് മനോജ്. നേരത്തെ വനിതാ കമ്മീഷനില്‍ പബ്ലിക് റിലേഷന്‍സ് ഓഫീസറായിരുന്നു. അവിടെനിന്നാണ് ധനമന്ത്രിയുടെ സ്റ്റാഫിലെത്തിയത്.

ബജറ്റ് അവതരിപ്പിക്കുന്നതിനിടെ ബജറ്റ് ചോര്‍ന്നുവെന്ന് ആരോപിച്ച് പ്രതിപക്ഷം സഭ ബഹിഷ്‌കരിക്കുകയും പ്രതിപക്ഷ നേതാവ് രമേശ് ചെന്നിത്തല ചോര്‍ന്ന ബജറ്റ് ബദല്‍ ബജറ്റായി അവതരിപ്പിക്കുകയും ചെയ്തിരുന്നു. എന്നാല്‍, മാധ്യമ പ്രവര്‍ത്തകര്‍ക്കുള്ള പകര്‍പ്പാണ് ചോര്‍ന്നതെന്ന് ധനമന്ത്രി പിന്നീട് വിശദീകരിച്ചിരുന്നു. ഇക്കാര്യത്തില്‍ എന്താണ് സംഭവിച്ചതെന്ന് അന്വേഷണത്തിന് വിധേയമാക്കുമെന്നും അദ്ദേഹം വ്യക്തമാക്കിയിരുന്നു.

Kerala Budget Leacked: Personal Secratrary of Kerala Finance Minister replaced

Kerala Finance Minister's Personal Secratrary replaced due to Kerala Budget Leacked.The Opposition walked out of the Kerala Assembly over alleged leakage of the state Budget on the social media.