സൗരോര്‍ജ്ജ പാനലുകള്‍ വീടുകളിലും സര്‍ക്കാര്‍ ഓഫീസുകളിലും

തിരുവനന്തപുരം: മുഴുവൻ സർക്കാർ ഓഫീസുകളുടെയും മുകളിൽ സൗരോർജ പാനലുകൾ സ്ഥാപിക്കും. വീടുകള്‍ക്ക് മുകളിലും സൗരോര്‍ജ്ജ പ്ലാന്‍റുകള്‍ സ്ഥാപിക്കുന്നതിനുള്ള ഫണ്ട് നല്‍കും. ഇതിനായി 200 കോടി രൂപയുടെ ധനസഹായം നല്‍കും. ഇത്തരത്തില്‍ ആയിരം മെഗാവാട്ട് വൈദ്യുതി ഉത്പാദനമാണ് ലക്ഷ്യമിടുന്നത്.

നിലവില്‍ രണ്ട് എല്‍ഇഡി ബള്‍ബുകള്‍ സര്‍ക്കാര്‍ സൗജന്യ നിരക്കില്‍ നല്‍കുന്നുണ്ട്. ഈ പദ്ധതി കൂടുതല്‍ വ്യാപകമായി നടപ്പിലാക്കുന്നതിനായി 250 കോടി രൂപ പ്രത്യക്ഷ നിക്ഷേപ ഫണ്ടായി നല്‍കും. സോളാര്‍, എല്‍ഇഡി പാനലുകള്‍ വന്‍ തോതില്‍ നിര്‍മ്മിക്കുന്നതിനായി കൂടുതല്‍ ഫാക്ടറികള്‍ പ്രയോജനപ്പെടുത്തും. അടഞ്ഞു കിടക്കുന്ന ഫാക്ടറികള്‍ ഇതിനായി പ്രവര്‍ത്തിപ്പിക്കാന്‍ സാധിക്കുമോ എന്ന് പഠനം നടത്തും. അതിനായി 25 കോടി രൂപ വകയിരുത്തും.