മലപ്പുറം: മഞ്ചേശ്വരം ഉപതെരഞ്ഞെടുപ്പില് മുസ്ലിം ലീഗ് കാസര്കോട് ജില്ലാ പ്രസിഡന്റ് എംസി ഖമറുദ്ദീന് യുഡിഎഫ് സ്ഥാനാര്ത്ഥിയായേക്കും. ഇതു സംബന്ധിച്ച പ്രഖ്യാപനം ഇന്ന് വൈകീട്ട് ഉണ്ടാകുമെന്നാണ് റിപ്പോര്ട്ടുകള്. ഖമറുദ്ദീന് പുറമെ എകെഎം അഷ്റഫിന്റെ പേരാണ് സ്ഥാനാര്ത്ഥി പട്ടികയിലേക്ക് ഉയര്ന്നുകേള്ക്കുന്നത്.
യൂത്ത് ലീഗിന്റെ ആവശ്യങ്ങള് പാര്ട്ടിയെ അറിയിച്ചിട്ടുണ്ടെന്നും ഇക്കാര്യത്തില് പ്രാദേശികമായി പല അഭിപ്രായങ്ങളുമുണ്ടാകുമെന്നും പറഞ്ഞ പാണക്കാട് മുനവറലി ശിഹാബ് തങ്ങള് അതെല്ലാം പാര്ട്ടിയെ അറിയിച്ചിട്ടുണ്ടെന്നും വ്യക്തമാക്കി.
അതേസമയം മഞ്ചേശ്വരത്ത് സിഎച്ച് കുഞ്ഞമ്പു എൽഡിഎഫ് സ്ഥാനാർത്ഥിയാകുമെന്നാണ് റിപ്പോര്ട്ടുകള്. ജില്ലാ സെക്രട്ടേറിയേറ്റ് യോഗമാണ് ഇത് സംബന്ധിച്ച് തീരുമാനമെടുത്തത്. സിച്ച് കുഞ്ഞമ്പുവിന്റെ പേര് മാത്രമാണ് ജില്ലാ സെക്രട്ടറിയേറ്റില് ഉയര്ന്നത്. മണ്ഡലം തിരിച്ച് പിടിക്കുമെന്ന് സിഎച്ച് കുഞ്ഞമ്പു പ്രതികരിച്ചു.