‘കോഴിവില ഒരു കിലോ 87 രൂപ; വെട്ടിനുറുക്കിയ കോഴിയിറച്ചി 158 രൂപ’

കോഴിക്കച്ചവടക്കാരുടെ സമരം പിന്‍വലിച്ച ധനമന്ത്രി തോമസ് ഐസക് 87രൂപയ്ക്ക് കോഴി വിപണിയില്‍ ലഭ്യമാകുമെന്ന് വ്യക്തമാക്കി. വെട്ടിനുറുക്കിയ കോഴിയിറച്ചി കെപ്‌കോ നല്‍കുന്ന അതേ വിലയായ 158 രൂപയ്ക്ക് വില്‍ക്കാമെന്ന് വ്യാപാരികള്‍ സമ്മതിച്ചുവെന്നും തോമസ് ഐസക് അറിയിച്ചു. ഇതേ തുടർന്ന് സമരം അവസാനിച്ചതായി വ്യാപാരികൾ അറിയച്ചിട്ടുണ്ട്.

നിലവിലേത് സ്ഥിരമായ വിലയല്ല വിപണിയിലെ മാറ്റങ്ങളുടെ അടിസ്ഥാനത്തില്‍ വിലയില്‍ മാറ്റം വരുമെന്നും തോമസ് ഐസക് വാര്‍ത്ത സമ്മേളനത്തില്‍ വ്യക്തമാക്കി. വിലക്കയറ്റം നിയന്ത്രിക്കാന്‍ സര്‍ക്കാര്‍ നിരന്തരമായി വിപണിയില്‍ ഇടപെടുമെന്നും അദ്ദേഹം പറഞ്ഞു. സര്‍ക്കാര്‍ ഹാച്ചറികളില്‍ നിന്ന് ഒരു ദിവസം മുപ്പതിനായിരം കോഴിക്കുഞ്ഞുങ്ങളെ വിരിയിക്കാനുള്ള സംവിധാനം ഉണ്ടാക്കും.

കേരളത്തിലെ കോഴിമാംസ കച്ചവടത്തിലെ മൂന്നിലൊന്ന് സര്‍ക്കാര്‍ നിയന്ത്രണത്തിലാക്കാനുള്ള സംവിധാനം ഒരുക്കുമെന്നും ധനമന്ത്രി പറഞ്ഞു. ജിഎസ്ടി വന്നതിനു ശേഷം കോഴി നികുതി ഇല്ലാതായിട്ടും വ്യാപാരികള്‍ കോഴിയിറച്ചിയുടെ വില കൂട്ടിയതിനെ തുടര്‍ന്നാണ് സര്‍ക്കാര്‍ വിഷയത്തില്‍ ഇടപെട്ടത്.

kerala chicken price strike called off

kerala chicken price strike; new rates after meeting.