കൊലവിളിയെ പുച്ഛിച്ച് തള്ളുന്നു: പിണറായി വിജയൻ

മധ്യപ്രദേശിലെ ആർഎസ്എസ് നേതാവിന്റെ വെല്ലുവിളിയെ പുച്ഛിച്ച് മുഖ്യമന്ത്രി പിണറായി വിജയൻ. തന്റെ തലയെടുക്കുന്നവർക്ക് ഒരു കോടി രൂപ പ്രതിഫലമായി നൽകുമെന്ന ആര്‍എസ്‌എസ് നേതാവ് ഡോ.ചന്ദ്രാവത്തിന്റെ വിവാദ പ്രസ്താവനയ്ക്ക് മറുപടിയുമായി രംഗത്ത് വന്നിരിക്കുകയാണ് മുഖ്യമന്ത്രി.

ആര്‍എസ്എസ് പലരുടെയും തല എടുത്തിട്ടുണ്ട്; അതു കൊണ്ട് വഴി നടക്കാതിരിക്കാന്‍ ആവില്ലല്ലോ എന്നാണ് മുഖ്യമന്ത്രി ഇതിനോട് പ്രതികരിച്ചത്. ഫേസ്ബുക്കിലൂടെയായിരുന്നു അദ്ദേഹത്തിന്റെ മറുപടി.

പിണറായിയുടെ തലയെടുക്കുന്നവർക്ക് ഒരു കോടി നൽകുമെന്ന് ആര്‍എസ്‌എസ് നേതാവ്

കമ്യൂണിസ്റ്റ് പാർട്ടി അധികാരത്തിൽ വന്നതിന് ശേഷം ആര്‍എസ്‌എസ് പ്രവര്‍ത്തകര്‍ നിരന്തരം കൊല്ലപ്പെടുത്തുന്ന രീതിയാണ് കേരളത്തിലുള്ളതെന്നായിരുന്നു ചന്ദ്രാവത്തിന്റെ വിമർശനം. തന്‍റെ സ്വത്തുക്കള്‍ മുഴുവന്‍ വിറ്റിട്ടായാലും പിണറായിയുടെ തലയെടുക്കുന്നവര്‍ക്ക് പ്രതിഫലം നല്‍കുമെന്നും ചന്ദ്രാവത്ത് പറഞ്ഞിരുന്നു.

പിണറായി വിജയന്റെ ഫേസ്ബുക്ക് പോസ്റ്റിന്റെ പൂർണ രൂപം:

മധ്യപ്രദേശിലെ ഒരു സംഘ പരിവാർ നേതാവ് പ്രസംഗിച്ചതിൽ, പിണറായി വിജയന്റെ തല കൊയ്യുന്നതിന് ഇനാം പ്രഖ്യാപിച്ചു എന്ന വാർത്ത കണ്ടു. ആര്‍എസ്എസ് പലരുടെയും തല എടുത്തിട്ടുണ്ട്; അതു കൊണ്ട് വഴി നടക്കാതിരിക്കാന്‍ ആവില്ലല്ലോ.
കൊലവിളിയെ പുച്ഛിച്ച് തള്ളുന്നു.



Kerala CM Pinarayi Vijayan Laughs Off RSS Threat to Life