കോട്ടയം ജില്ല പഞ്ചായത്ത് സിപിഎം പിന്തുണയോടെ മാണി വിഭാഗത്തിന്

കോട്ടയം: കോട്ടയം ജില്ലാ പഞ്ചായത്ത് ഭരണം സിപിഎം പിന്തുണയോടെ കേരള കോൺഗ്രസ് മാണി വിഭാഗം തിരിച്ചു പിടിച്ചു. ഇതോടെ യുഡിഎഫിന് ഭരണം നഷ്ടമായി. 22 അംഗങ്ങളുള്ള ജില്ലാ പഞ്ചായത്തിൽ സിപിഎം പിന്തുണയോടെ കേരള കോൺഗ്രസിലെ സഖറിയാസ് കുതിരവേലി 12 വോട്ടുകൾ നേടി പ്രസിഡന്‍റായി തെരഞ്ഞെടുക്കപ്പെട്ടു.

കേരള കോണ്‍ഗ്രസിന് ആറ് അംഗങ്ങളാണുള്ളത്. അവർക്കൊപ്പം സിപിഎമ്മിന്‍റെ ആറ് അംഗങ്ങളും വോട്ട് ചെയ്തതോടെ ജയം മാണി വിഭാഗത്തിന് ഒപ്പമായി. സിപിഐ രാഷ്ട്രീയ നിലപാട് സ്വീകരിക്കാതെ വോട്ടെടുപ്പിൽ നിന്ന് വിട്ടു നിന്നു. കോൺഗ്രസിന് എട്ട് അംഗങ്ങളാണുള്ളത്. കോൺഗ്രസിലെ ജോഷി ഫിലിപ്പ് ഡിസിസി പ്രസിഡന്‍റായി തെരഞ്ഞെടുക്കപ്പെട്ടതോടെയാണ് ഇപ്പോൾ പ്രസിഡന്‍റ് തെരഞ്ഞെടുപ്പ് നടന്നത്.

Kerala congess mani group secured kottyam district panchayat rule, with cpm support