കേരളത്തില്‍ ഇന്നും ശക്തമായ മഴ; മിന്നലിനും കാറ്റിനും സാധ്യത

തിരുവനന്തപുരം: കേരളത്തില്‍ ഇന്നും ശക്തമായ മഴയ്ക്ക് സാധ്യത ഉണ്ടെന്ന് കാലാവസ്ഥാ വകുപ്പ് അറിയിച്ചു. ഈ മാസം 24 വരെ സംസ്ഥാനത്ത് മഴ തുടരും. മിന്നലിനും കാറ്റിനും സാധ്യത ഉള്ളതിനാല്‍ ജനങ്ങള്‍ അതീവ ജാഗ്രത പാലിക്കണം.

Also Read: COVID-19 Live: ഇന്ത്യയില്‍ കൊവിഡ് ബാധിതര്‍ 1.12 ലക്ഷം; മരണം 3434

അടുത്ത മൂന്ന് മണിക്കൂറിനിടെ തിരുവനന്തപുരം, കൊല്ലം, ആലപ്പുഴ എന്നീ ജില്ലകളില്‍ ഇടിമിന്നലോട് കൂടി മഴയ്ക്കും മണിക്കൂറില്‍ 40 കിലോമീറ്റര്‍ വേഗതയില്‍ വരെ വീശിയടിക്കാവുന്ന കാറ്റിനും സാധ്യതയുണ്ടെന്നാണ് കാലാവസ്ഥാ വകുപ്പിന്റെ അറിയിപ്പ്.


കേരള തീരത്തും കന്യാകുമാരി, ലക്ഷദ്വീപ് തീരങ്ങളിലും മണിക്കൂറില്‍ 45 മുതല്‍ 55 കിമീ വേഗതയില്‍ വടക്ക്- പടിഞ്ഞാറന്‍ ദിശയില്‍ നിന്ന് ശക്തമായ കാറ്റിന് സാധ്യതയുണ്ട്. ആയതിനാല്‍ മത്സ്യത്തൊഴിലാളികള്‍ കടലില്‍ പോകരുതെന്നും മുന്നിറിയിപ്പുണ്ട്.

Also Read: 12 ദിവസം കൊണ്ട് 16 ല്‍ നിന്ന് 161 ലേക്ക്; മേയ് 7 നു ശേഷമുള്ള സംസ്ഥാനത്തെ കൊവിഡ് കണക്ക് ഇങ്ങനെ

ഉംപുന്‍ ചുഴലിക്കാറ്റ് കര തൊട്ടതിനെ തുടര്‍ന്ന് കാറ്റിലും മഴയിലും ബംഗാള്‍, ഒഡീഷ, ബംഗ്ലാദേശ് എന്നിവിടങ്ങളിലായി 18 പേര്‍ മരിച്ചു. ബുധനാഴ്ച ഉച്ചയ്ക്ക് രണ്ടരയ്ക്ക് ബംഗാളിലെ ദിഗ ജില്ലയ്ക്കും ബംഗ്ലാദേശിലെ ഹതിയ ദ്വീപിനും ഇടയിലാണ് ചുഴലി ബംഗാള്‍ ഉള്‍ക്കടലില്‍ നിന്നും പ്രവേശിച്ചത്.