തിരുവനന്തപുരം: സംസ്ഥാനത്തെ എല്ലാ വനിതാ ഹോസ്റ്റലുകളിലെയും രാത്രിയിലെ സമയപരിധി ദീര്ഘിപ്പിച്ച് ഉന്നത വിദ്യാഭ്യാസ വകുപ്പിന്റെ ഉത്തരവ്. വിദ്യാര്ത്ഥിനികള്ക്ക് വൈകുന്നേരം ഹോസ്റ്റലുകളിൽ തിരികെ പ്രവേശിക്കുന്നതിനുള്ള സമയപരിധി രാത്രി 9.30 വരെ നീട്ടിയതായി സര്ക്കാര് ഉത്തരവിൽ വ്യക്തമാക്കി. വിദ്യാര്ത്ഥിനികള്ക്ക് കോളേജിലെ ലാബ്, ലൈബ്രറി സൗകര്യങ്ങള് ഉപയോഗപ്പെടുത്തുന്നതിനായാണ് സമയപരിധി നീട്ടിയത്. ലാബും ലൈബ്രറിയും പെൺകുട്ടികള്ക്ക് കൂടി ഉപയോഗപ്പെടുത്തുന്നതിനായി ആൺകുട്ടികളുടെ ഹോസ്റ്റലിന്റെ സമയക്രമം തന്നെ പെൺകുട്ടികള്ക്കും നടപ്പാക്കാനാണ് ഉത്തരവിലെ നിര്ദ്ദേശം.
മുൻപ് ഇതേ കാരണങ്ങള് ചൂണ്ടിക്കാട്ടി തിരുവനന്തപുരം എൻജിനീയറിങ് കോളേജിലെ വനിതാ ഹോസ്റ്റലിന്റെ സമയപരിധി 9.30 ആക്കി ദീര്ഘിപ്പിച്ചിരുന്നു. ഇതിനു പിന്നാലെയാണ് പുതിയ ഉത്തരവ്.
തിരുവനന്തപുരം വഴുതക്കാട് വനിതാ ഹോസ്റ്റിലെ വിദ്യാര്ത്ഥിനികളും തൃശ്ശൂര് ഗവൺമെന്റ് എൻജിനീയറിങ് കോളേജ് യൂണിയനും നല്കിയ പരാതിയുടെ അടിസ്ഥാനത്തിലാണ് നടപടി.
മുൻപ് ഇതേ കാരണങ്ങള് ചൂണ്ടിക്കാട്ടി തിരുവനന്തപുരം എൻജിനീയറിങ് കോളേജിലെ വനിതാ ഹോസ്റ്റലിന്റെ സമയപരിധി 9.30 ആക്കി ദീര്ഘിപ്പിച്ചിരുന്നു. ഇതിനു പിന്നാലെയാണ് പുതിയ ഉത്തരവ്.
തിരുവനന്തപുരം വഴുതക്കാട് വനിതാ ഹോസ്റ്റിലെ വിദ്യാര്ത്ഥിനികളും തൃശ്ശൂര് ഗവൺമെന്റ് എൻജിനീയറിങ് കോളേജ് യൂണിയനും നല്കിയ പരാതിയുടെ അടിസ്ഥാനത്തിലാണ് നടപടി.