സംസ്ഥാനത്ത് വിഷമില്ലാത്ത മദ്യം ലഭ്യമാക്കുമെന്ന് എക്സൈസ് മന്ത്രി

തിരുവനന്തപുരം: സംസ്ഥാനത്ത് വിഷമില്ലാത്ത മദ്യം ലഭ്യമാക്കുമെന്ന് എക്സൈസ് മന്ത്രി ടി പി രാമകൃഷ്ണൻ. എൽ ഡി എഫിൻ്റെ നയം വിഷമില്ലാത്ത കള്ള് ലഭ്യമാക്കുക എന്നതാണ്. ഇതിനായി ബാറുകളിലും മറ്റും പരിശോധന കർശനമാക്കും. മദ്യനിരോധനം നിലവിൽ വന്നിട്ടും സംസ്ഥാനത്തെ
മദ്യഉപഭോഗം കുറഞ്ഞില്ലെന്നും മന്ത്രി പറഞ്ഞു.

സംസ്ഥാനത്ത് മദ്യം നിരോധിച്ചതു മൂലം ലഹരി വസ്തുകളുടെ ഉപയോഗം കൂടി. മയക്കുമരുന്ന് കേസുകളില്‍ 600 ശതമാനം വരെ വര്‍ധനയുണ്ടായി. ഇടതു സർക്കാർ മദ്യം ഒഴുക്കുമെന്ന പ്രചാരണത്തിന് അടിസ്ഥാനമില്ല. സർക്കാരിന് മദ്യനയത്തിൽ തുറന്ന മനസ് ആണ്. ത്രീസ്റ്റാര്‍, ഫോര്‍സ്റ്റാര്‍ ബാറുകള്‍ തുറന്നാലും യു ഡി എഫ് കാലത്തെ അത്രയും വരില്ലെന്നും മന്ത്രി പറഞ്ഞു.

പാതയോര മദ്യശാലകള്‍ അടച്ചുപൂട്ടാനുള്ള സുപ്രീം കോടതി അംഗീകരിക്കുന്നു. ഈ വിധി നടപ്പാക്കുന്നതിലൂടെ സർക്കാരിന് 200 കോടി രൂപയുടെ നഷ്ടമുണ്ടാകും. സർക്കാരിൻ്റെ നിലപാട്
ബാർ ഉടമകൾക്കു വേണ്ടിയുള്ളതല്ലെന്നും രാമകൃഷ്ണൻ പറഞ്ഞു.

Excice minister TP RamaKrishnan on LDF liquor policy

Excice minister TP RamaKrishnan on LDF government's liquor policy