തിരുവനന്തപുരം: സംസ്ഥാനസര്‍ക്കാരിന്‍റെ സാമ്പത്തികപ്രതിസന്ധി പരിഗണിച്ച് സര്‍ക്കാര്‍ ജീവനക്കാരുടെയും അധ്യാപകരുടെയും വിരമിക്കാൽ പ്രായം 58 ആയി ഉയര്‍ത്താൻ ധനവകുപ്പിന്‍റെ ശുപാര്ശ. വകുപ്പുതലശുപാര്‍ശയിൽ അഭിപ്രായം രേഖപ്പെടുത്താതെ ധനമന്ത്രി തോമസ് ഐസക് ഫയൽ മുഖ്യമന്ത്രി പിണറായി വിജയന് അയച്ചു. സിപിഎമ്മിന്‍റെയും ഇടതുമുന്നണിയുടെയും അംഗീകാരത്തോടെ മാത്രമേ വിഷയത്തിൽ അന്തിമതീരുമാനം ഉണ്ടാകൂ.
Samayam Malayalamപെൻഷൻ പ്രായം 58 ആക്കാൻ ധനവകുപ്പിൻ്റെ ശുപാര്ശ
കഴിഞ്ഞ മേയിൽ 22,000 പേരാണ് സര്‍വീസിൽ നിന്ന് വിരമിച്ചത്. 2018 മേയിൽ ഇത് 30,000 ആയി ഉയരും. ഇത്രയും പേര്‍ക്കുള്ള ആനുകൂല്യം ഒരുമിച്ചുനല്‍കിയാൽ നിലവിലെ പ്രതിസന്ധി രൂക്ഷമാകുമെന്നാണ് വിലയിരുത്തൽ. ഏറെ പേരുടെയും ജനനത്തീയതി മേയിലായതാണ് ഇത്രയും പേര്‍ ഒരുമിച്ച് വിരമിക്കാൻ കാരണം.
വിരമിക്കൽ പ്രായം 56ൽ നിന്ന് 58 ആയി ഉയര്‍ത്തുമ്പോള്‍ ഈ കാലയളവിൽ മറ്റ് ആനുകൂല്യങ്ങള്‍ നല്‍കേണ്ടെന്നും ശമ്പളം മാത്രം നല്‍കിയാൽ മതിയെന്നും ധനവകുപ്പ് ശുപാര്ശ ചെയ്യുന്നു. ഈ കാലയളവ് സര്‍വീസിലും പെന്‍ഷനിലും പരിഗണിക്കേണ്ടതില്ല. അതേസമയം ഇത് യുവാക്കളുടെ അവസരം നഷ്ടപ്പെടുത്തുന്നത് തടയാൻ പിഎസ്‍‍സി പരീക്ഷയ്ക്ക് അപേക്ഷിക്കാനുള്ള പ്രായപരിധിയും ഉയര്‍ത്തും.
സിപിഐ അനുകൂലസംഘന ഇതിനോട് അനുകൂലനിലപാട് സ്വീകരിച്ചെങ്കിലും സിപിഎം അനുകൂലസംഘടന നിലപാട് പ്രഖ്യാപിച്ചിട്ടില്ല.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
