തിരുവനന്തപുരം: കിഫ്ബി സുതാര്യമാണെന്നും പ്രതിപക്ഷ നേതാവിന് വേണമെങ്കില്‍ നേരിട്ട് തന്നെ വിശദീകരണം നല്‍കാമെന്നും ധനമന്ത്രി തോമസ് ഐസക്.

സംശയമുള്ളവര്‍ക്ക് ഓണ്‍ലൈനായി വിവരങ്ങള്‍ പരിശോധിക്കാം. അതല്ലെങ്കില്‍ കിഫ്ബി സി.ഇ.ഒ. നേരിട്ട് കാര്യങ്ങള്‍ വിശദീരിക്കും. അത് മതിയായില്ലെങ്കില്‍ മന്ത്രിയെന്ന നിലയില്‍ താന്‍ തന്നെ നേരിട്ട് കാര്യങ്ങള്‍ വിശദീകരിക്കാമെന്നും തോമസ് ഐസക് പറഞ്ഞു.

Also Read ട്രാന്‍സ്ഗ്രിഡ് അഴിമതി ആരോപണം; മുഖ്യമന്ത്രിയോട് 10 ചോദ്യങ്ങളുമായി രമേശ് ചെന്നിത്തല

കിഫ്ബിയേക്കാള്‍ സുതാര്യമായ മറ്റേതെങ്കിലും പദ്ധതി കേരളത്തിലുണ്ടോയെന്നും അദ്ദേഹം ചോദിച്ചു.

കിഫ്ബി വഴി വൈദ്യുതി ബോര്‍ഡ് നടപ്പാക്കിയ പദ്ധതികളില്‍ വന്‍ അഴിമതി നടന്നതായി പ്രതിപക്ഷനേതാവ് രമേശ് ചെന്നിത്തല ആരോപിച്ചിരുന്നു. ഇതിനുള്ള മറുപടിയാണ് തോമസ് ഐസക് നല്‍കിയത്.

കിഫ്ബി വഴി നടപ്പാക്കിയ പദ്ധതികളുടെ ടെന്‍ഡര്‍ നടപടികള്‍, കിഫ്ബി വായ്‍പ, പദ്ധതികളുടെ എസ്റ്റിമേറ്റ്, എന്‍ജിനീയര്‍മാരുടെ നിയമനം തുടങ്ങിയ വിവിധ കാര്യങ്ങളില്‍ ക്രമക്കേട് നടന്നതായും ചെന്നിത്തല ആരോപിച്ചിരുന്നു.