20 നിലയ്ക്ക് മുകളിൽ വെള്ളം ചീറ്റാൻ വാട്ടര്‍ ബ്രൗസര്‍ എത്തി

കൊച്ചി: തീപിടുത്തം കഴിഞ്ഞ് തീ കെട്ടടങ്ങിയ ശേഷമേ ഫയര്‍ ഫോഴ്സ് എത്തൂ എന്നു പറഞ്ഞുള്ള തമാശകളൊക്കെ ഇനി മറക്കാം. തീപിടുത്തമുണ്ടായ കെട്ടിയത്തിനു മുകളിലേയ്ക്ക് ഹോസുമായി വലിഞ്ഞു കയറുന്ന ഫയര്‍മാന്‍ ഇനി പഴയ കാഴ്ച്ചയാകും. 20 നില കെട്ടിടത്തിനു മുകളില്‍ വരെ വെള്ളം ചീറ്റാൻ ശേഷിയുള്ള അത്യാധുനിയന്ത്രമാണ് കേരള ഫയര്‍ ഫോഴ്സ് സ്വന്തമാക്കിയിരിക്കുന്നത്. തിരുവനന്തരപുരത്തും കൊച്ചിയിലുമാണ് വാട്ടര്‍ ബ്രൗസര്‍ എത്തിയിരിക്കുന്നത്.



ഉയരമുള്ള കെട്ടിടത്തിനു മുകളിലേയ്ക്ക് വാട്ടര്‍ ബ്രൗസര്‍ വെള്ളം ചീറ്റുമ്പോഴും നിയന്ത്രണം താഴെ നിൽക്കുന്ന ഫയര്‍മാൻ്റെ കയ്യിൽ ഭദ്രം. സമരമുഖത്ത് പോലീസ് ഉപയോഗിക്കുന്ന ജലപീരങ്കിയ്ക്ക് സമാനമാണ് വാട്ടര്‍ ബ്രൗസറിൻ്റെ പ്രവര്‍ത്തനം. 11500 ലിറ്റര്‍ വെള്ളവും 500 ലിറ്റര്‍ ഫോമും വാട്ടര്‍ ബ്രൗസറിൽ ശേഖരിക്കാൻ കഴിയും. നിലവിലുള്ള ഫയര്‍ എൻജിനുകളുടെ ശേഷി വെറും 3000 ലിറ്ററാണെന്ന് ഓര്‍ക്കണം.



മാന്‍ കമ്പനി നിര്‍മിച്ചിരിക്കുന്ന വാഹനത്തിന് 75 ലക്ഷം രൂപയാണ് വില. ചരിത്രത്തിൽ ആദ്യമായാണ് കേരള അഗ്നിശമനസേന ഇത്രയും ആധുനികമായ വാഹനം സ്വന്തമാക്കുന്നത്. പത്തു ജില്ലകളിലേയ്ക്കു കൂടി വാഹനം വാങ്ങാൻ ടെൻഡര്‍ നല്‍കിയിട്ടുണ്ട്.

Kerala Fire Force buys Water browser

First time in history, Kerala fire force bought two water browsers that are enabled to spray water up to 20 story height.