ഏഴ് ജില്ലകൾ വെള്ളപ്പൊക്ക ബാധിത പ്രദേശങ്ങൾ; കനത്ത മഴ തുടരും

തിരുവനന്തപുരം: കേരളത്തിലെ ഏഴ് ജില്ലകൾ വെള്ളപ്പൊക്ക ബാധിത പ്രദേശമാണെന്ന് കേന്ദ്ര ജലവിഭവ കമ്മീഷന്റെ റിപ്പോർട്ട്. വയനാട്, ഇടുക്കി, പത്തനംതിട്ട, പാലക്കാട്, കോഴിക്കോട്, കോട്ടയം, തൃശൂർ എന്നീ ജില്ലകൾ വെള്ളപ്പൊക്ക ബാധിത പ്രദേശമാണെന്നാണ് കേന്ദ്രത്തിന്റെ റിപ്പോർട്ട്. പെരിയാർ, ഭാരതപ്പുഴ, പമ്പ, കബനി, വളപട്ടണം, കുറ്റ്യാടി എന്നീ നദികളുടെ തീരത്തുള്ളവർ ജാഗ്രത പാലിക്കണമെന്നും മുന്നറിയിപ്പിൽ പറയുന്നു.

Also Read: സംസ്ഥാനത്ത് പുതിയ 34 ഹോട്സ്പോട്ടുകൾ; 970 പേർക്ക് രോഗമുക്തി

അതേസമയം, ഞായർ, തിങ്കൾ ദിവസങ്ങളിൽ കേരളത്തിൽ തീവ്ര മഴയ്ക്ക് സാധ്യതയുണ്ടെന്നും ചൊവ്വാഴ്ച മുതൽ മഴയുടെ ശക്തി കുറയാനാണ് സാധ്യതയെന്നും കാലാവസ്ഥാ നിരീക്ഷണ കേന്ദ്രം വ്യക്തമാക്കി. എന്നാൽ കാറ്റിന്റെ തീവ്രത അനുസരിച്ച് ഇതിൽ മാറ്റം സംഭവിച്ചേക്കാം. അതിനാൽ ബുധനാഴ്ചയ്ക്ക് ശേഷവും കേരളത്തിൽ മഴ ലഭിച്ചേക്കാമെന്നും കാലാവസ്ഥാ നിരീക്ഷണ കേന്ദ്രം വ്യക്തമാക്കി.

Also Read: ഇന്ന് 1,211 പേർക്ക് കൊവിഡ്; സമ്പർക്കത്തിലൂടെ 1026 പേർക്ക് രോഗം

മൂന്നാര്‍ പെട്ടിമുടി ദുരന്തത്തില്‍ മരണം 43 ആയി. ഉരുള്‍പൊട്ടലില്‍ കാണാതായവര്‍ക്ക് വേണ്ടി മൂന്നാം ദിവസവും രാവിലെ തന്നെ തെരച്ചില്‍ ആരംഭിച്ചു. ഇന്ന് നടത്തിയ തെരച്ചിലില്‍ ആറു മാസം പ്രായമായ കുട്ടിയുടേത് ഉള്‍പ്പെടെ 17 മൃതദേഹങ്ങള്‍ കണ്ടെടുത്തു. ദേശീയ ദുരന്ത നിവാരണ സേന, അഗ്നിരക്ഷാ സേന, പോലീസ്, റവന്യൂ, വനം വകുപ്പുകള്‍, സംയുക്തമായാണ് രക്ഷാപ്രവര്‍ത്തനങ്ങള്‍ക്ക് നേതൃത്വം നല്‍കുന്നത്.