ദു​രി​താ​ശ്വാ​സ ക്യാ​മ്പിൽ സം​ഘ​ട​നാ ചി​ഹ്ന​ങ്ങ​ള്‍ വേ​ണ്ടെന്ന് സർക്കാർ

തിരുവനന്തപുരം: ദുരിതാശ്വാസ ക്യാമ്പിൽ സംഘടനാ ചിഹ്നങ്ങള്‍ വേണ്ടെന്ന ക‍ർശന നിലപാടുമായി സ‍ർക്കാ‍ർ. വിവിധ രാഷ്ട്രീയ പാര്‍ട്ടികളുടെയും സംഘടനകളുടെയും അടയാളങ്ങളും വഹിച്ചു കൊണ്ടു ക്യാമ്പുകളിൽ കയറാന്‍ അനുവദിക്കില്ലെന്നു മുഖ്യമന്ത്രി പിണറായി വിജയന്‍ പറഞ്ഞു.

സംഘടനയിലെ പ്രമാണിത്വം ക്യാമ്പിനുള്ളിൽ കാണിക്കാന്‍ അനുവദിക്കില്ല. അന്തേവാസികളുമായി സംസാരിക്കണമെങ്കില്‍ പുറത്തിരുന്നു സംസാരിക്കണം. അന്തേവാസികളെ സഹായിക്കാന്‍ കൊണ്ടുവരുന്ന വസ്തുക്കള്‍ ക്യാന്പുകളില്‍ ചുമതലപ്പെട്ടവരെ ഏല്‍പ്പിക്കണം. അതിന്‍റെ വിതരണവും മേല്‍നോട്ടവും അവരുടെ ഉത്തരവാദിത്തമാണ്- മുഖ്യമന്ത്രി പറഞ്ഞു.