നവകേരള നിര്‍മ്മിതിക്കായി ആന്ധ്രയില്‍ നിന്ന് വീണ്ടും സഹായം

തിരുവനന്തപുരം: പ്രളയക്കെടുതികളില്‍ നിന്ന് കരകയറുന്ന കേരളത്തിന് വീണ്ടും സഹായവുമായി ആന്ധ്രപ്രദേശ്. രണ്ടാം ഘട്ടത്തില്‍ സമാഹരിച്ച രണ്ടേകാല്‍ കോടി രൂപ ആന്ധ്രപ്രദേശ് കേരളത്തിന് കൈമാറി. ആന്ധ്ര സര്‍ക്കാരിന്‍റെ കത്തും ചെക്കുകളും ധനവകുപ്പ് പ്രിന്‍സിപ്പല്‍ സെക്രട്ടറിക്ക് കൈമാറി.

വിവിധ വിദ്യാഭ്യാസ സ്ഥാപനങ്ങള്‍, സംഘടനകള്‍ എന്നിവിടങ്ങളില്‍ നിന്നും സമാഹരിച്ച 2,16,49,967 രൂപയാണ് ആന്ധ്ര കേരളത്തിന് കൈമാറിയിരിക്കുന്നത്. നേരത്തേ 51 കോടി രൂപയുടെ സഹായം ആന്ധ്രപ്രദേശ് നല്‍കിയിരുന്നു. ഇതില്‍ 35 കോടി രൂപയുടെ ചെക്ക് ആന്ധ്ര ഉപമുഖ്യമന്ത്രിയും ആഭ്യന്തരമന്ത്രിയുമായ ചിന്നരാജപ്പ നേരിട്ടെത്തിയായിരുന്നു നല്‍കിയത്.