ചെറുതോണി അണക്കെട്ടിന് മുകളിലൂടെ ബസ് സര്‍വീസ്

ഇടുക്കി : ഇടുക്കി അണക്കെട്ടുകള്‍ക്ക് മുകളിലൂടെ ഇന്നു മുതല്‍ ബസ് സര്‍വീസ് നടത്തും. ചെറുതോണി പാലത്തിലൂടെ വാഹനങ്ങള്‍ ഓടിക്കാന്‍ പറ്റാത്ത സാഹചര്യം വന്നതോടെയാണിത്.

തൊടുപുഴ ഡിപ്പോയില്‍ നിന്ന് കട്ടപ്പനയിലേക്കുള്ള രണ്ട് കെഎസ്‌ആര്‍ടിസി ബസുകളാണ് കുളമാവ്, ചെറുതോണി വഴി ഡാമുകള്‍ക്കു മുകളിലൂടെ ഓടുക. കട്ടപ്പനയില്‍ നിന്നും പുലര്‍ച്ചെ അഞ്ചു മുതല്‍ വൈകിട്ട് 5.20 വരെ തൊടുപുഴയിലേക്കും, തൊടുപുഴയില്‍ നിന്നു രാവിലെ 6.10 മുതല്‍ വൈകുന്നേരം 6.40 വരെ കട്ടപ്പനയിലേക്കും ഓരോ മണിക്കൂര്‍ ഇടവിട്ട് സര്‍വീസ് ഉണ്ടാകും.

ചെറുതോണി അണക്കെട്ടിൻ്റെ മൂന്നു ഷട്ടറുകള്‍ ഇപ്പോഴും തുറന്നിരിക്കുകയാണ്. ഇന്നലെ മുതല്‍ തൊടുപുഴ - ഏലപ്പാറ റൂട്ടിലും ബസ് സര്‍വീസുകള്‍ ആരംഭിച്ചിട്ടുണ്ട്.