രക്ഷാപ്രവര്‍ത്തനത്തിന് കൂടുതല്‍ പോലീസുകാരെ നിയോഗിച്ചു

തിരുവനന്തപുരം: രക്ഷാപ്രവര്‍ത്തനങ്ങള്‍ ഏകോപിപ്പിക്കാന്‍ പത്തനംതിട്ട, തൃശ്ശൂര്‍, എറണാകുളം ജില്ലകളില്‍ കൂടുതല്‍ പോലീസുകാരെ നിയോഗിച്ചിട്ടുണ്ടെന്ന് ഡിജിപി ലോക്നാഥ് ബെഹ്റ അറിയിച്ചു. അടിയന്തര സഹായത്തിനായി ഇവരെയും ബന്ധപ്പെടാവുന്നതാണെന്നും അദ്ദേഹം ഫെയ്‌സ്ബുക് പേജിലൂടെ അറിയിച്ചു.

പ്രളയക്കെടുതിയില്‍ സംസ്ഥാനത്ത് ഇന്നുമാത്രം 59 പേരാണ് മരിച്ചത്. ഇതോടെ മരിച്ചവരുടെ എണ്ണം 92 ആയി. വെള്ളപ്പൊക്ക ദുരിതാശ്വാസ പ്രവര്‍ത്തനത്തില്‍ എറണാകുളം ജില്ലയില്‍ 2500 പേരെയും പത്തനംതിട്ടയിൽ 550 പേരെയും ഇന്ന് രക്ഷപ്പെടുത്തി. സ്ത്രീകള്‍, കുട്ടികള്‍, വൃദ്ധര്‍ എന്നിവര്‍ ഈ കൂട്ടത്തിലുണ്ട്.