സ്വര്‍ണക്കടത്ത് കേസ്։ ഫൈസല്‍ ഫരീദ് ദുബായിൽ അറസ്റ്റില്‍

ദുബായ്։ തിരുവനന്തപുരം അന്താരാഷ്ട്ര വിമാനത്താവളത്തിൽ നയതന്ത്ര ബാഗിലൂടെ സ്വര്‍ണക്കടത്ത് നടത്തിയ കേസിലെ മൂന്നാം പ്രതി ഫൈസൽ ഫരീദ് യുഎഇയിൽ അറസ്റ്റിൽ. വ്യാഴാഴ്ചയോടെ ഇയാള്‍ അറസ്റ്റിലായി എന്നാണ് റിപ്പോര്‍ട്ടുകള്‍.

Also Read : സ്വപ്നനയും കൂട്ടാളികളും സ്വര്‍ണം കടത്തിയത് 23 തവണ։ ഞെട്ടിക്കുന്ന റിപ്പോര്‍ട്ട് പുറത്ത്

റാഷിദിയ പോലീസ് ഫൈസലിനെ മൂന്ന് ദിവസം മുന്‍പ് അറസ്റ്റ് ചെയ്തിരുന്നു. പിടിയിലായ ഫൈസലിനെ ഇന്ത്യയിലേക്ക് എത്തിക്കാനുള്ള നടപടികള്‍ കേന്ദ്ര ആഭ്യന്തര വിദേശകാര്യ മന്ത്രാലയങ്ങള്‍ ശക്തമാക്കിയിട്ടുണ്ട് എന്നും സൂചനകളുണ്ട്. രണ്ട് ദിവസത്തിനുള്ളില്‍ തന്നെ ഇയാളെ നാട് കടത്തുമെന്നും റിപ്പോര്‍ട്ടുകളുണ്ട്.

എന്നാല്‍, ഇന്ത്യയിൽ എവിടേക്കാണ് ഇയാളെ എത്തിക്കുക എന്നും വ്യക്തമല്ല. ഡല്‍ഹിയിലേക്കോ കൊച്ചിയിലേക്കോ എത്തിക്കാനാണ് സാധ്യത എന്ന് മാധ്യമങ്ങള്‍ റിപ്പോര്‍ട്ട് ചെയ്യുന്നു.

Also Read : 24 മണിക്കൂറിനിടെ രാജ്യത്ത് 38,902 പേര്‍ക്ക് കൊവിഡ് രോഗബാധ։ ഇന്ത്യയിൽ രോഗബാധിതര്‍ പത്തരലക്ഷം കടന്നു

കസ്റ്റഡിയിൽ എടുത്ത ശേഷം മൂന്ന് തവണ പോലീസ് ചോദ്യം ചെയ്തുവെന്നാണ് റിപ്പോര്‍ട്ടുകള്‍. ഇയാള്‍ ചെയ്തത് ഗുരുതരമായ കുറ്റമാണെന്നാണ് യുഎഇ വിലയിരുത്തൽ. ഏത് വിമാനത്താവളത്തില്‍വച്ച് കണ്ടാലും അറസ്റ്റ് ചെയ്യാൻ നേരത്തെ ഇന്റർപോൾ ലുക്ക് ഔട്ട് നോട്ടീസ് പുറത്തിറക്കിയിരുന്നു.