തിരുവനന്തപുരം: ഹൈക്കോടതി വിധിയുടെ പശ്ചാത്തലത്തിൽ ഡയസ്നോൺ പ്രഖ്യാപിച്ച് സർക്കാർ. ചൊവ്വാഴ്ച എല്ലാ സർക്കാർ ജീവനക്കാരും ജോലിക്കെത്തണമെന്നാണ് സർക്കാരിന്റെ ഉത്തരവ്. അടിയന്തര സാഹചര്യത്തിൽ അല്ലാതെ ആർക്കും അവധി അനുവദിക്കില്ലെന്ന് ചീഫ് സെക്രട്ടറി പുറത്തിറക്കിയ ഉത്തരവിൽ പറയുന്നു. ഹൈക്കോടതി വിധി പകർപ്പ് പരിശോധിച്ച ശേഷം അഡ്വക്കേറ്റ് ജനറൽ നൽകിയ നിയമോപദേശത്തിന്റെ അടിസ്ഥാനത്തിലാണ് ഡയസ്നോൺ പ്രഖ്യാപിച്ചത്.
ഹൈക്കോടതി വിധിയുടെ അടിസ്ഥാനത്തിൽ ഡയസ്നോൺ പ്രഖ്യാപിക്കണമെന്ന കുറിപ്പോടെ ഹൈക്കോടതി വിധി പകർപ്പ് അഡ്വക്കേറ്റ് ജനറൽ ചീഫ് സെക്രട്ടറിക്ക് കൈമാറുകയായിരുന്നു. ഇതോടെയാണ് ഡയസ്നോൺ പ്രഖ്യാപിച്ച് ചീഫ് സെക്രട്ടറി ഉത്തരവിറക്കിയത്. സർക്കാർ ജീവനക്കാർ പണിമുടക്കരുതെന്നും ഇത്തരം സാഹചര്യങ്ങളിൽ സർക്കാർ കൈയും കെട്ടി നോക്കിനിൽക്കരുതെന്നും ഹൈക്കോടതി തിങ്കളാഴ്ച ഉത്തരവിട്ടിരുന്നു,
സർക്കാർ ഉദ്യോഗസ്ഥർ പണിമുടക്കുന്നത് നിയമവിരുദ്ധമാണെന്ന് കോടതി വ്യക്തമാക്കി. പണിമുടക്കുന്നവർക്കെതിരെ നടപടി സ്വീകരിക്കുമെന്ന് ഉത്തരവിറക്കാൻ സർക്കാരിനോട് കോടതി നിർദ്ദേശിക്കുകയും ചെയ്തു. കേരള സർക്കാരിന്റെ സർവീസ് ചട്ടപ്രകാരം സർക്കാർ നയങ്ങൾക്കെതിരെ സമരം ചെയ്യാനോ പണിമുടക്കാനോ ജീവനക്കാർക്ക് അവകാശമില്ലെന്ന് കോടതി വ്യക്തമാക്കി.
പണിമുടക്കിനെതിരെ ഡയസ്നോൺ പ്രഖ്യാപിക്കാത്ത സർക്കാർ നടപടിക്കെതിരെ കോടതി അതൃപ്തി പ്രകടിപ്പിച്ചു. തിരുവനന്തപുരം സ്വദേശിയായ അഭിഭാഷകനാണ് സർക്കാർ ജീവനക്കാരുടെ പണിമുടക്ക് ചോദ്യം ചെയ്ത് കോടതിയെ സമീപിച്ചത്. പണിമുടക്ക് ദിവസങ്ങളിൽ ജീവനക്കാർക്ക് ശമ്പളത്തോടു കൂടി അവധി നൽകാൻ നീക്കമുണ്ടെന്നും അതു തടയണം എന്നുമായിരുന്നു ഹർജിക്കാരന്റെ ആവശ്യം.
ഹൈക്കോടതി വിധിയുടെ അടിസ്ഥാനത്തിൽ ഡയസ്നോൺ പ്രഖ്യാപിക്കണമെന്ന കുറിപ്പോടെ ഹൈക്കോടതി വിധി പകർപ്പ് അഡ്വക്കേറ്റ് ജനറൽ ചീഫ് സെക്രട്ടറിക്ക് കൈമാറുകയായിരുന്നു. ഇതോടെയാണ് ഡയസ്നോൺ പ്രഖ്യാപിച്ച് ചീഫ് സെക്രട്ടറി ഉത്തരവിറക്കിയത്. സർക്കാർ ജീവനക്കാർ പണിമുടക്കരുതെന്നും ഇത്തരം സാഹചര്യങ്ങളിൽ സർക്കാർ കൈയും കെട്ടി നോക്കിനിൽക്കരുതെന്നും ഹൈക്കോടതി തിങ്കളാഴ്ച ഉത്തരവിട്ടിരുന്നു,
സർക്കാർ ഉദ്യോഗസ്ഥർ പണിമുടക്കുന്നത് നിയമവിരുദ്ധമാണെന്ന് കോടതി വ്യക്തമാക്കി. പണിമുടക്കുന്നവർക്കെതിരെ നടപടി സ്വീകരിക്കുമെന്ന് ഉത്തരവിറക്കാൻ സർക്കാരിനോട് കോടതി നിർദ്ദേശിക്കുകയും ചെയ്തു. കേരള സർക്കാരിന്റെ സർവീസ് ചട്ടപ്രകാരം സർക്കാർ നയങ്ങൾക്കെതിരെ സമരം ചെയ്യാനോ പണിമുടക്കാനോ ജീവനക്കാർക്ക് അവകാശമില്ലെന്ന് കോടതി വ്യക്തമാക്കി.
പണിമുടക്കിനെതിരെ ഡയസ്നോൺ പ്രഖ്യാപിക്കാത്ത സർക്കാർ നടപടിക്കെതിരെ കോടതി അതൃപ്തി പ്രകടിപ്പിച്ചു. തിരുവനന്തപുരം സ്വദേശിയായ അഭിഭാഷകനാണ് സർക്കാർ ജീവനക്കാരുടെ പണിമുടക്ക് ചോദ്യം ചെയ്ത് കോടതിയെ സമീപിച്ചത്. പണിമുടക്ക് ദിവസങ്ങളിൽ ജീവനക്കാർക്ക് ശമ്പളത്തോടു കൂടി അവധി നൽകാൻ നീക്കമുണ്ടെന്നും അതു തടയണം എന്നുമായിരുന്നു ഹർജിക്കാരന്റെ ആവശ്യം.