ജില്ലക്കകത്ത് പൊതുഗതാഗതം അനുവദിക്കണം; കേന്ദ്രത്തോട് ആവശ്യപ്പെടാന്‍ കേരളം

തിരുവനന്തപുരം: സംസ്ഥാനത്തെ ജില്ലക്കകത്ത് പൊതുഗതാഗതം അനുവദിക്കണമെന്ന് സംസ്ഥാന സര്‍ക്കാര്‍ കേന്ദ്രത്തോട് ആവശ്യപ്പെടും. മുഖ്യമന്ത്രി പിണറായി വിജയന്‍ ഇന്നു രാവിലെ വിളിച്ചു ചേര്‍ത്ത ഉന്നത തലയോഗത്തിലാണ് നിര്‍ദേശം ഉയര്‍ന്നത്. മുഖ്യമന്ത്രിയും ചീഫ് സെക്രട്ടറിയും ഉന്നത ഉദ്യോഗസ്ഥരും പങ്കെടുത്ത യോഗത്തിലാണ് ചര്‍ച്ച നടന്നത്.

Also Read: എസി ട്രെയിന്‍ കൊവിഡ് വ്യാപനത്തിന് ഇടയാക്കുമോ? ആശങ്കയോടെ യാത്രക്കാര്‍

സാമൂഹിക അകലം പാലിച്ചുകൊണ്ട് നാലു പേര്‍ക്ക് ഇരുന്ന് ഹോട്ടലുകളില്‍ ഭക്ഷണം കഴിക്കാനുള്ള അനുവാദം നല്‍കണം, ജില്ലയ്ക്കകത്ത് പൊതുഗതാഗതം അനുവദിക്കണം, സംസ്ഥാനത്തിന് അകത്ത് ട്രെയിന്‍ ഗതാഗതത്തിനുള്ള അനുവാദം, മെട്രോ ട്രെയിന്‍ പ്രവര്‍ത്തിപ്പിക്കാനും ഓട്ടോറിക്ഷകള്‍ ഓടാന്‍ അനുവാദം നല്‍കണം എന്നീ ആവശ്യങ്ങളും കേരളം ഉന്നയിക്കും. ഇന്നലത്തെ യോഗത്തില്‍ മുഖ്യമന്ത്രി ഉന്നയിച്ചതു കൂടാതെയുള്ള പ്രത്യേക ആവശ്യങ്ങളാണിവ.

Also Read: COVID-19 Live Page:ബഹ്‌റൈനില്‍ നിന്നും മടങ്ങുന്ന നൂറ് മലയാളികള്‍ക്ക് രവി പിള്ള ടിക്കറ്റുകൾ നൽകും

കൊച്ചി മെട്രോ സര്‍വീസ് തുടങ്ങണമെന്നാണ് നിലപാട്. ട്രെയിന്‍ സര്‍വീസുകള്‍ ഭാഗികമായി പുനരാരംഭിച്ച നിലയ്ക്ക് സാമൂഹിക അകലവും കൊവിഡ്- 19 നിയന്ത്രണങ്ങളും പാലിച്ചുകൊണ്ട് സര്‍വീസ് നടത്താമെന്നാണ് കൊച്ചി മെട്രോ അധികൃതര്‍ നല്‍കുന്ന സൂചന.