തിരുവനന്തപുരം: ഇസ്ലാമിന്റെ ചരിത്രത്തിൽ സ്ത്രീകൾ ഹിജാബിന് എതിരായിരുന്നുവെന്ന് കേരള ഗവർണർ ആരിഫ് മുഹമ്മദ് ഖാൻ. കർണാടകയിലെ ഹിജാബ് വിവാദവുമായി ബന്ധപ്പെട്ട ചോദ്യത്തിന് മാധ്യമപ്രവർത്തകരോട് പ്രതികരിക്കുകയായിരുന്നു അദ്ദേഹം. പ്രവാചകന്റെ കാലത്തെ സ്ത്രീകൾ ഹിജാബ് അനാവശ്യമെന്ന് വിശ്വസിച്ചിരുന്നതായി ഗവർണർ പറഞ്ഞെന്ന് ഏഷ്യാനെറ്റ് ന്യൂസ് റിപ്പോർട്ട് ചെയ്തു.
Also Read : ആശ്വാസമേകി പ്രതിദിന കൊവിഡ് കേസുകളിൽ വൻ കുറവ്; മരണസംഖ്യയും കുറയുന്നു
കർണാടകയിലെ സർക്കാർ സ്കൂളുകളിൽ ഹിജാബ് ധരിക്കുന്നതിന് വിലക്കേർപ്പെടുത്തിയതോടെയായിരുന്നു വിവാദങ്ങൾ ആരംഭിച്ചത്. പിന്നീട് കോളേജുകളിൽ ഹിജാബ് ധരിച്ചെത്തിയ വിദ്യാർഥിനികളെ തടഞ്ഞതോടെ പ്രതിഷേധം ആരംഭിക്കുകയായിരുന്നു. ഹിജാബ് വിവാദത്തിൽ വിധി വരുംവരെ കോളേജുകളില് മതപരമായ വേഷങ്ങള് ധരിക്കരുതെന്ന് കര്ണാടക ഹൈക്കോടതി ഇടക്കാല ഉത്തരവ് പുറപ്പെടുവിച്ചിട്ടുണ്ട്.
Also Read : ബന്ധത്തിൽ നിന്ന് പിന്മാറി; കാമുകന്റെ ഭാര്യയും മക്കളും ഉൾപ്പെടെ 5 പേരെ വെട്ടിക്കൊന്ന യുവതി അറസ്റ്റിൽ
ഹിജാബ് മാത്രമല്ല, കാവി ഷാൾ പുതച്ച് വരികയും ചെയ്യരുതെന്നാണ് ഹൈക്കോടതി നിർദേശം. അന്തിമ ഉത്തരവ് വരുന്നത് വരെ മതത്തെ സൂചിപ്പിക്കുന്ന ഒരു തരം വസ്ത്രങ്ങളും വിദ്യാർഥികൾ ധരിക്കരുതെന്നും കോടതി നിർദേശിച്ചിട്ടുണ്ട്. അതിനിടെ കര്ണാടകത്തിലെ ഹിജാബ് വിഷയം ദേശീയ തലത്തിലേക്ക് വ്യാപിക്കരുതെന്ന് ചീഫ് ജസ്റ്റിസ് എന്വി രമണ ആവശ്യപ്പെട്ടു. ഹിജാബ് വിഷയത്തില് വിധി വരുംവരെ കോളേജുകളില് മതപരമായ വേഷങ്ങള് ധരിക്കരുതെന്ന കര്ണാടക ഹൈക്കോടതിയുടെ ഇടക്കാല ഉത്തരവിനെതിരായ ഹര്ജി അടിയന്തിരമായി പരിഗണിക്കാന് വിസമ്മതിച്ചു കൊണ്ടാണ് സുപ്രീംകോടതി നിരീക്ഷണം. ഉചിതമായ സമയത്ത് കോടതിയുടെ ഇടപെടല് ഉണ്ടാകുമെന്നും സുപ്രീം കോടതി വ്യക്തമാക്കി.