സംസ്ഥാനത്ത് സിബിഐക്ക് നിയന്ത്രണം; വിജ്ഞാപനം പുറത്തിറക്കി

തിരുവനന്തപുരം: കേരളത്തിൽ കേന്ദ്ര അന്വേഷണ ഏജൻസിയായ സിബിഐക്ക് നിയന്ത്രണം ഏര്‍പ്പെടുത്തി വിജ്ഞാപനം ഇറക്കി. സര്‍ക്കാരിന്റെ മുൻകൂർ അനുമതിയില്ലാതെ കേരളത്തിൽ അന്വേഷണ നടത്താൻ സിബിഐഐക്ക് നൽകിയിരുന്ന അനുമതതി പിൻവലിച്ചാണ് വിജ്ഞാപനം പുറത്തിയിറക്കിയിരിക്കുന്നത്.

Also Read : യുഎഇ വിസ പിഴ ഒഴിവാക്കൽ ഡിസംബര്‍‍ 31 വരെ നീട്ടി

ഇനി സര്‍ക്കാര്‍ അനുമതിയോടെയോ കോടതി ഉത്തരവ് പ്രകാരമോ സര്‍ക്കാര്‍ അനുമതിയോടെയോ മാത്രമേ ഇനി സിബിഐക്ക് കേരളത്തിൽ അന്വേഷണം നടത്തുവാന്‍ സാധിക്കു.

മന്ത്രിസഭ തീരുമാന പ്രകാരം ആഭ്യന്തര സെക്രട്ടറി സജ്ഞയ് കൗണാണ് വിജ്ഞാപനമിറക്കിയത്. ലൈഫ് മിഷൻ അഴിമതി കേസ് സിബിഐ നേരിട്ട് ഏറ്റെടുത്തതിന് പിന്നാലെയാണ് സംസ്ഥാന സര്‍ക്കാര്‍ അന്വേഷണ ഏജന്‍സിക്ക് നൽകിയിരുന്ന അനുമതി പിന്‍വലിക്കാന്‍ തീരുമാനിച്ചത്.

Also Read : ഓസ്ട്രേലിയയിൽ പൗരത്വം നേടണോ ? എങ്കിൽ ഈ പരീക്ഷയിൽ ജയിക്കണം

എന്നാല്‍, നിലവിലുള്ള സിബിഐ അന്വേഷണങ്ങള്‍ക്ക് പുതിയ നടപടി ബാധകമല്ല. കഴിഞ്ഞ മാസം മഹാരാഷ്ട്ര സര്‍ക്കാരും ഇത്തരത്തിൽ കേന്ദ്ര അന്വേഷണ ഏജന്‍സിയായ സിബിഐക്ക് കേസുകള്‍ നേരിട്ട് ഏറ്റെടുത്ത് അന്വേഷിക്കുന്നതിന് നല്‍കിയിരുന്ന അനുമതി പിന്‍വലിച്ചിരുന്നു.

Also Read : തമിഴ്നാട്ടിൽ കളമൊരുക്കുവാന്‍ അമിത് ഷാ; രജനികാന്തിനേയും അഴഗിരിയേയും ബിജെപി സഖ്യത്തിലേക്ക് എത്തിച്ചേക്കുമെന്ന് അഭ്യൂഹം

സമാനമായി ബംഗാൾ, ആന്ധ്രാപ്രദേശ്, ഛത്തീസ്ഗ‍ഡ് എന്നീ സംസ്ഥാനങ്ങളും അടുത്തിടെ രാജസ്ഥാനും അടക്കമുള്ള പ്രതിപക്ഷ പാർട്ടികള്‍ ഭരിക്കുന്ന സംസ്ഥാനങ്ങള്‍ ഇത്തരത്തിൽ സിബിഐക്ക് തടയിട്ടിരുന്നു. കേസന്വേഷണത്തിന് സംസ്ഥാന സര്‍ക്കാര്‍ അനുമതി വേണമെന്ന വ്യവസ്ഥ കൊണ്ടു വരികയായിരുന്നു.