വാളയാര്‍ കേസ്: വെറുതെ വിട്ട ആറ് പ്രതികളെയും അറസ്റ്റ് ചെയ്യാന്‍ ഹൈക്കോടതി ഉത്തരവ്

കൊച്ചി: വാളയാര്‍ കേസില്‍ കീഴ്‌കോടതി വെറുതെ വിട്ട ആറ് പ്രതികളെയും അറസ്റ്റ് ചെയ്യാന്‍ ഹൈക്കോടതി ഉത്തരവ്. പ്രതികളെ അറസ്റ്റ് ചെയ്ത് വിചാരണക്കോടതിയില്‍ ഹാജരാക്കി ജാമ്യത്തില്‍ വിടണമെന്ന് കോടതി വ്യക്തമാക്കി. പ്രതികളെ വെറുതെ വിട്ടതിനെതിരെ പെണ്‍കുട്ടിയുടെ മാതാപിതാക്കളും സംസ്ഥാന സര്‍ക്കാരും നല്‍കിയ അപ്പീലിലാണ് ഹൈക്കോടതി നിര്‍ദേശം.

Also Read: തൂക്കുമരത്തിലേക്ക് നിര്‍ഭയ കേസ് പ്രതികളുടെ അകലം വെറും നാലു ദിനങ്ങള്‍; നാളെ ഡമ്മി പരീക്ഷണം

പ്രതികളെ അറസ്റ്റ് ചെയ്ത് വിചാരണക്കോടതിയില്‍ ഹാജരാക്കണമെന്നും വിചാരണക്കോടതി ജാമ്യം നല്‍കണമെന്നും ഹൈക്കോടതി വ്യക്തമാക്കി. പ്രതികള്‍ രാജ്യം വിടാന്‍ പോലും സാധ്യത ഉണ്ടെന്ന് പരിഗണിച്ചാണ് ഹൈക്കോടതി പ്രതികളെ അറസ്റ്റ് ചെയ്യാന്‍ ഉത്തരവ് പുറപ്പെടുവിച്ചത്.

അട്ടപ്പളം കല്ലങ്കാട് സ്വദേശി എം മധു, ഇടുക്കി രാജാക്കാട് വലിയമുല്ലക്കാനം നാലുതെയ്ക്കല്‍ വീട്ടില്‍ ഷിബു, വി മധു എന്നിവരെയാണ് വിട്ടയച്ചത്. പ്രതിപ്പട്ടികയിലെ ചേര്‍ത്തല സ്വദേശി പ്രദീപ്കുമാറിനെ നേരത്തെ വിട്ടയച്ചിരുന്നു. കേസില്‍ ഇനി ബാക്കിയുള്ളത് പ്രായപൂര്‍ത്തിയാകാത്ത ഒരു പ്രതി മാത്രമാണ്. ഇയാളുടെ വിചാരണ ജുവനൈല്‍ കോടതിയില്‍ നടക്കുകയാണ്.

Also Read: മധ്യപ്രദേശിൽ വിശ്വാസ വോട്ടെടുപ്പ് നടന്നില്ല; കോൺഗ്രസിന് ആശ്വാസം

2017 ജനുവരി 13 ന് വാളയാറിലെ മൂത്ത കുട്ടിയെയും മാര്‍ച്ച് 4 നുമാണ് ഇളയ കുട്ടിയെയും മരിച്ച നിലയില്‍ കണ്ടെത്തിയത്. പ്രതികള്‍ പീഡിപ്പിച്ചതിനെ തുടര്‍ന്നാണ് കുട്ടികള്‍ ആത്മഹത്യ ചെയ്തത്.