എല്ലാ ശരിയാക്കാന്‍ ഇനി ആര് വരും; സര്‍ക്കാരിന് കോടതി വിമര്‍ശം

കൊച്ചി: പിണറായി സർക്കാരിനെ രൂക്ഷമായി വിമര്‍ശിച്ച് ഹൈക്കോടതി. എല്ലാം ശരിയാക്കാൻ ഇനി ആരുവരുമെന്നാണ് സർക്കാരിനോടു ഹൈക്കോടതിയുടെ ചോദ്യം. മൂന്നാറിലെ ലൗ ഡെയ്ല്‍ റിസോര്‍ട്ടുമായി ബന്ധപ്പെട്ട കേസിലാണ് കോടതിയുടെ നിരീക്ഷണം.

റിസോര്‍ട്ട് നില്‍ക്കുന്നത് സര്‍ക്കാര്‍ ഭൂമിയിലാണെന്നും ഒഴിപ്പിക്കുന്നതിന് സര്‍ക്കാരിന് തടസ്സമില്ലെന്നും കോടതി കഴിഞ്ഞ ദിവസം ഉത്തരവിട്ടിരുന്നു. പ്രസ്തുത കേസിന്‍റെ വിധി പകര്‍പ്പ് പുറത്തു വന്നപ്പോഴാണ് സര്‍ക്കാരിനെതിരെ കോടതി രൂക്ഷമായ പരാമര്‍ശങ്ങള്‍ ഉന്നയിച്ചത്.

തീരുമാനങ്ങള്‍ നടപ്പാക്കുന്നതിനു വേണ്ടത് രാഷ്ട്രീയ ഇച്ഛാശക്തിയും ഉൗര്‍ജ്ജവുമാണ്. എല്ലാം ശരിയാകുമെന്നു പറഞ്ഞാണു സർക്കാർ അധികാരത്തിലേറിയത്. ഇതു നടക്കില്ലെന്നു തോന്നുന്നത് പൊതു താത്പര്യത്തിനു വിരുദ്ധമാണെന്നും കോടതി വിധിയില്‍ വ്യക്തമാക്കുന്നുണ്ട്.

Kerala High Court strongly criticises LDF govt

As part of munnar Love dale resort case Kerala High Court strongly criticises LDF govt