ബിഷപ്പ് ഫ്രാങ്കോയുടെ ജാമ്യം റദ്ദാക്കാനാകില്ലെന്ന് ഹൈക്കോടതി

കൊച്ചി: കന്യാസ്ത്രീയെ പീഡിപ്പിച്ച കേസിൽ ജാമ്യം നേടി പുറത്ത് വന്ന ബിഷപ്പ് ഫ്രാങ്കോ മുളക്കലിന്‍റെ ജാമ്യം റദ്ദാക്കാനാകില്ലെന്ന് കേരള ഹൈക്കോടതി. മുൻ ജലന്ധർ ബിഷപ്പിന് കോടതി അനുവദിച്ച ജാമ്യം റദ്ദാക്കണമെന്ന് ആവശ്യപ്പെട്ട് ഹർജി ഹൈക്കോടതി തള്ളി.

Read More: ഫ്രാങ്കോ മുളയ്ക്കലിന് ഹൈക്കോടതി ജാമ്യം അനുവദിച്ചു

കന്യാസ്ത്രീയെ പീഡിപ്പിച്ച കേസിൽ ആദ്യം മൊഴി നൽകിയ ഫാദർ. കുര്യാക്കോസ് കാറ്റുതര ദുരൂഹ സാഹചര്യത്തിൽ മരിച്ചതിനെ തുടർന്നാണ് മറ്റ് സാക്ഷികൾക്ക് സംരക്ഷണത്തെ ആവശ്യപ്പെട്ട് ഹൈക്കോടതിയിൽ ഹർജി സമർപ്പിച്ചത്. എന്നാൽ, സാക്ഷികൾ തന്നെ നേരിട്ട് ഹൈക്കോടതിയിൽ ഈ ആവശ്യം ചൂണ്ടി കാണിച്ച് ഹർജി സമർപ്പിക്കണമെന്ന് ഹൈക്കോടതി നിരീക്ഷിച്ചു.

Read More: ബിഷപ്പിനെതിരായ അന്വേഷണം തൃപ്തികരമെന്ന് ഹൈക്കോടതി

സുരക്ഷ ആവശ്യമെങ്കിൽ സാക്ഷികൾ തന്നെ ആവശ്യപ്പെടണം. കോടതിയെ സമീപിക്കേണ്ടത് മൂന്നാമതൊരാൾ അല്ലെന്നും കോടതി എടുത്തു പറഞ്ഞു.

Read More: കന്യാസ്ത്രീ പീഡനത്തിന് ഇരയായെന്ന് തെളിഞ്ഞതായി പോലീസ്

ഒക്ടോബർ 22 നാണ് ഫാദർ കുര്യാക്കോസ് കാട്ടുതറയെ മരിച്ച നിലയിൽ കണ്ടെത്തിയത്. 60 കാരനായ കുര്യാക്കോസ് കാട്ടുതറയുടെ മൃതദേഹം അടച്ചിട്ട മുറിക്കുള്ളിലാണ് കണ്ടെത്തിയത്. മരണകാരണം ഹൃദയാഘാതമാണെന്ന് പഞ്ചാബ് പോലീസ് സ്ഥിരീകരിച്ചിരുന്നു.

Read More: ഫ്രാങ്കോയ്ക്കെതിരെ മൊഴി നല്‍കിയ വൈദികൻ മരിച്ച നിലയിൽ

കേരളത്തിൽ കുര്യാക്കോസ് കാട്ടുതറയുടെ മൃതദേഹം പോസ്റ്റ്‍മോര്‍ട്ടം ചെയ്യണമെന്നുള്ള ബന്ധുക്കളുടെ ആവശ്യം അംഗീകരിച്ചില്ല. വൈദികന്റെ ബന്ധുക്കൾ മരണത്തിൽ ദുരൂഹതയുണ്ടെന്ന് കാണിച്ച് പരാതി നൽകിയിട്ടുണ്ട്.

Read More: പരിശുദ്ധന്മാരെ അക്രമിച്ചാല്‍ ദൈവകോപം ഉറപ്പെന്ന് പി സി ജോര്‍ജ്

കന്യാസ്ത്രീയുടെ പീഡനപരാതി വിവാദമായതിനെത്തുടര്‍ന്ന് വൈദികൻ പരസ്യമായി നിലപാട് സ്വീകരിച്ചിരുന്നു. ഇതിനു പിന്നാലെ കഴിഞ്ഞ മെയ് മാസത്തിൽ രൂപതയ്ക്കും സഭയ്ക്കും എതിരായി പ്രവര്‍ത്തിച്ചെന്നു കാണിച്ച് ഇദ്ദേഹത്തെ ജലന്ധര്‍ കന്‍റോൺമെന്‍റിൽ നിന്ന് സ്ഥലം മാറ്റിയിരുന്നു.