ഐഎഎസ് ഉദ്യോഗസ്ഥരുടെ പ്രതിഷേധം ഗൗരവമായി കാണുന്നു മുഖ്യമന്ത്രി

തിരുവനന്തപുരം: ഐഎഎസ് ഉദ്യോഗസ്ഥരുടെ പ്രതിഷേധം ഗൗരമായി കാണുന്നെന്ന് മുഖ്യമന്ത്രി പിണറായി വിജയൻ. സമരം ഏതെങ്കിലും രീതിയില്‍ പ്രഖ്യാപിച്ച് സര്‍ക്കാരിനെ വരുതിയിലാക്കാമെന്ന് കരുതണ്ട. വിജിലന്‍സ് അന്വേഷണങ്ങളില്‍ ഇടപെടില്ലെന്നും പിണറായി അറിയിച്ചു.

ഐഎഎസ് ഓഫീസര്‍മാര്‍ക്കെതിരെയുള്ള വിജിലന്‍സ് അന്വേഷണം ആദ്യമായിട്ടല്ല സംസ്ഥാനത്ത് നടക്കുന്നത്. അത്തരം നടപടികളുമായി ബന്ധപ്പെട്ട് സസ്പെന്‍ഷനും ഉണ്ടായിട്ടുണ്ട്. അന്വേഷണ നടപടിയെ വൈകാരികമായി കാണേണ്ടതില്ല. എഫ്ഐആർ ഇട്ടിരിക്കുന്നത് അന്വേഷണത്തിന്റെ ഭാഗമായിട്ടാണ്.

ഭരണസിരാകേന്ദ്രത്തിലെ പ്രധാനികള്‍ സമരത്തിനായി മുന്നിട്ടിറങ്ങുന്നത് ഒരിക്കലും ഉണ്ടാകുവാന്‍ പാടില്ലാത്ത ഒരു കാര്യമാണെന്നും അദ്ദേഹം കൂട്ടിച്ചേർത്തു.

ഇന്ന് കൂട്ട അവധിയെടുത്ത് പ്രതിഷേധിക്കുന്ന ഐഎഎസ് ഉദ്യോഗസ്ഥരുമായി നടത്തിയ ചർച്ചയിൽ സംസാരിക്കുകയായിരുന്നു മുഖ്യമന്ത്രി.

IAS officers meet with Pinarayi

IAS officers mass leave; Govt will not interfere in vigilance investigations says Kerala Chief Minister Pinarayi Vijayan.