കേരള ഇന്‍ഫ്രാസ്ട്രക്ച്ചര്‍ നിയമഭേദഗതി ഓര്‍ഡിനന്‍സിന് അംഗീകാരം

കേരള ഇന്‍ഫ്രാസ്ട്രക്ച്ചര്‍ ഇന്‍വെസ്റ്റ്മെന്‍റ് ഫണ്ട് ബോര്‍ഡിന്റെ നിയമഭേദഗതി ഓര്‍ഡിനന്‍സിന് മന്ത്രിസഭയുടെ അംഗീകാരം. അടിസ്ഥാന സൗകര്യ വികസനത്തിന് പുതിയ സംവിധാനത്തിലൂടെ പണം സമാഹരിക്കാനാണ് കിഫ്ബി. അഞ്ചു വര്‍ഷം കൊണ്ട് ഒരുലക്ഷം കോടി രൂപ വരെ സമാഹരിക്കുകയാണ് ലക്ഷ്യം.

കിഫ്ബിയെ ശക്തിപ്പെടുത്താന്‍ ഘടനാപരമായ മാറ്റത്തിനുള്ള ഭേദഗതി ഓര്‍ഡിനന്‍സിനാണ് ഇന്ന് മന്ത്രിസഭായോഗം അംഗീകാരം നല്‍കിയത് . മുഖ്യമന്ത്രി ചെയര്‍മാനും ധനമന്ത്രി വൈസ് ചെയര്‍മാനുമായി ബോര്‍ഡ് പുനസംഘടിപ്പിക്കും. ചീഫ് സെക്രട്ടറി, ധനസെക്രട്ടറി, നിയമസെക്രട്ടറി തുടങ്ങിയവര്‍ ഇതില്‍ അംഗങ്ങളായിരിക്കും ഇതുകൂടാതെ ഏ‍ഴംഗങ്ങളുള്ള ഒരു സ്വതന്ത്ര കമ്മറ്റിയും രൂപീകരിക്കും.