വ്യാജപ്രചാരണം: ജേക്കബ് വടക്കഞ്ചേരി അറസ്റ്റില്‍

കൊച്ചി: എലിപ്പനിമരുന്ന് വിരുദ്ധ പ്രചരണം നടത്തിയ ജേക്കബ് വടക്കഞ്ചേരി അറസ്റ്റില്‍. കൊച്ചി ചമ്പക്കരയിലെ സ്ഥാപനത്തില്‍ നിന്ന് ക്രൈംബ്രാഞ്ചാണ് അറസ്റ്റ് ചെയ്തത്. ആരോഗ്യമന്ത്രി കെകെ ശൈലജയുടെ പരാതിയിലാണ് പൊലീസ് നടപടി. ഈ മാസം 21 വരെ തിരുവനന്തപുരം സിജെഎം കോടതി ഇയാളെ റിമാൻഡ് ചെയ്തു.

ഡിജിപിയുടെ നിര്‍ദേശപ്രകാരമാണ് ജേക്കബ് വടക്കഞ്ചേരിക്കെതിരേ പോലീസ് കേസെടുത്തിരുക്കുന്നത്. എലിപ്പനി പ്രതിരോധ മരുന്നായ ഡോക്‌സിസൈക്‌ളിന്‍ ഉപയോഗത്തിനെതിരെ വ്യാജപ്രചാരണങ്ങള്‍ നടത്തിയതിനെതിരെ കടുത്ത നടപടികള്‍ വേണമെന്ന ആവശ്യം ശക്തമായിരുന്നു. സമാനമായ കേസുകള്‍ ഇയാള്‍ക്കെതിരേ മുന്‍പും പോലീസ് രജിസ്റ്റര്‍ ചെയ്തിട്ടുണ്ട്.