സംസ്ഥാനത്തെ പ്രശ്‌നബാധിത ബൂത്തുകൾ എത്ര, ഏതെല്ലാം? കൂടുതൽ ഏത് ജില്ലയിൽ

തിരുവനന്തപുരം: തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പിന് ദിവസങ്ങൾ മാത്രം അവശേഷിക്കെ സംസ്ഥാനത്തെ പ്രശ്‌നബാധിത ബൂത്തുകളുടെ വിവരങ്ങൾ പുറത്തുവിട്ട് തെരഞ്ഞെടുപ്പ് കമ്മീഷൻ.

Also Read: സംസ്ഥാനത്ത് 5376 പേർക്ക് കൂടി കൊവിഡ് സ്ഥിരീകരിച്ചു; 5590 രോഗമുക്തി

സംസ്ഥാനത്താകെ 1850 പ്രശ്‌നബാധിത ബൂത്തുകൾ ഉണ്ടെന്ന് സംസ്ഥാന തെരഞ്ഞെടുപ്പ് കമ്മീഷൻ വ്യക്തമാക്കി. കണ്ണൂർ ജില്ലയിലാണ് ഏറ്റവുമധികം പ്രശ്‌നബാധിത ബൂത്തുകളുള്ളത്(785). ഏറ്റവും കുറവ് പത്തനംതിട്ട ജില്ലയിലാണ് (5). ഈ ബൂത്തുകളിൽ വെബ്‌കാസ്‌റ്റിങ് സംവിധാനം ഏർപ്പെടുത്താൻ സംസ്ഥാന തെരഞ്ഞെടുപ്പ് കമ്മീഷൻ വി ഭാസ്‌കരൻ നിർദേശം നൽകി.

വെബ്‌ കാസ്‌റ്റിങ് ഇല്ലാത്ത ബൂത്തുകളിൽ വീഡിയോഗ്രഫി ഏർപ്പെടുത്തും. സംസ്ഥാന പോലീസ് മേധാവി തെരഞ്ഞെടുപ്പ് കമ്മീഷന് നൽകിയ റിപ്പോർട്ടിൻ്റെ അടിസ്ഥാനത്തിലാണ് നടപടി.

Also Read: അസാധാരണ ചുഴലിക്കാറ്റ്; 'ബുറേവി'യുടെ സഞ്ചാരപാതയില്‍ മാറ്റം, ഓഖിയുടെ നാളുകളില്‍ നിവാര്‍

ആദ്യഘട്ട തദ്ദേശ തെരഞ്ഞെടുപ്പ് നടക്കുന്ന ജില്ലകളിൽ 1722 പ്രശ്‌നബാധിത ബൂത്തുകൾ ഉണ്ടെന്ന് മനോരമ ഓൺലൈൻ റിപ്പോർട്ട് ചെയ്യുന്നു. തിരുവനന്തപുരം സിറ്റി 264, തിരുവനന്തപുരം റൂറൽ 253, കൊല്ലം 249, ∙ കൊല്ലം റൂറൽ 216, പത്തനംതിട്ട 194, ആലപ്പുഴ 349, ഇടുക്കി 197 എന്നിങ്ങനെയാണ് പ്രശ്‌നബാധിത ബൂത്തുകൾ.

തിരുവനന്തപുരം, കൊല്ലം, പത്തനംതിട്ട, ആലപ്പുഴ, ഇടുക്കി ജില്ലകളിലാണ് ഡിസംബർ എട്ടിന് ആദ്യഘട്ട തെരഞ്ഞെടുപ്പ് നടക്കുക. പത്തിന് രണ്ടാംഘട്ടവും 14ന് മൂന്നാംഘട്ട തെരഞ്ഞെടുപ്പും നടക്കും.