സംസ്ഥാനത്ത് ഒരു കൊവിഡ് മരണം കൂടി

പാലക്കാട്: സംസ്ഥാനത്ത് ഒരു കൊവിഡ് മരണം കൂടി റിപ്പോർട്ട് ചെയ്തു. കടമ്പഴിപ്പുറം ചെട്ടിയാംകുളം സ്വദേശി മീനാക്ഷിയമ്മാൾ (73) ആണ് മരിച്ചത്. ഇവർക്ക് പ്രമേഹം ന്യുമോണിയ തുടങ്ങിയ രോഗങ്ങളുണ്ടായിരുന്നു.

മീനാക്ഷിയമ്മാൾ മെയ് 25 നാണ് ചെന്നൈയിൽ നിന്ന് വാളയാർ അതിർത്തി കടന്ന് കേരളത്തിലെത്തിയത്. തുടർന്ന് തുടർന്ന് കനത്ത പനിയോടെ മെയ് 28നാണ് ജില്ലാ ആശുപത്രിയിലെത്തിയത്. ഇവരുടെ ആദ്യ കൊവിഡ് പരിശോധനാ ഫലം നെഗറ്റീവായിരുന്നു.

Also Read: വീട്ടമ്മയെ കൊലപ്പെടുത്തിയത് ഇരുപത്തിമൂന്നുകാരൻ; കുടുംബവുമായി പരിചയമുള്ളയാൾ

മരണത്തിന് ശേഷമാണ് ഇവർക്ക് കൊവിഡ് ബാധ സ്ഥിരീകരിച്ചത്. ഇതോടെ സംസ്ഥാനത്തെ കൊവിഡ് മരണങ്ങളുടെ എണ്ണം 12 ആയി ഉയർന്നു. പാലക്കാട് ജില്ലയിലെ ആദ്യ കൊവിഡ് മരണം കൂടിയാണിത്. കൊവിഡ് പ്രോട്ടോക്കോൾ പ്രകാരം ഇന്ന് തന്നെ സംസ്കാരം നടക്കുമെന്നാണ് റിപ്പോർട്ടുകൾ വ്യക്തമാക്കുന്നത്.

മന്ത്രി എകെ ബാലനാണ് പാലക്കാട് ജില്ലയിൽ കൊവിഡ് മരണമുണ്ടായെന്ന് സ്ഥിരീകരിച്ചിരിക്കുന്നത്. അതേസമയം കഴിഞ്ഞദിവസം തിരുവനന്തപുരത്ത് കൊവിഡ് ബാധിച്ച് മരിച്ച വൈദികന്‍റെ സംസ്കാരചടങ്ങിനെ ചൊല്ലി പ്രതിഷേധം തീരുന്നില്ല . മലമുകൾ ഓർത്തഡോക്സ് സെമിത്തേരിയിൽ നടത്താൻ നിശ്ചയിച്ചിരുന്ന സംസ്കാര ചടങ്ങുകൾ നാട്ടുകാരുടെ പ്രതിഷേധത്തെ തുടര്‍ന്ന് കഴിഞ്ഞ ദിവസം മുടങ്ങിയിരുന്നു. അതിന് ശേഷം ഓര്‍ത്തഡോക്സ് സഭ പകരം സ്ഥലം കണ്ടെത്തി നൽകിയെങ്കിലും അവിടെയും നാട്ടുകാര്‍ പ്രതിഷേധിച്ചു. എന്നാൽ സഭ നിശ്ചയിച്ച് നൽകിയ സ്ഥലത്ത് തന്നെ സംസ്കാര ചടങ്ങുകൾ നടത്തുമെന്ന നിലപാടിലാണ് നഗരസഭ അധികൃതരും ആരോഗ്യവകുപ്പ്.