കൊച്ചി: നിപ വൈറസ് ബാധയെത്തുടര്‍ന്ന് കൊച്ചിയിലെ സ്വകാര്യ ആശുപത്രിയിൽ പ്രവേശിപ്പിച്ച യുവാവിന്‍റെ ആരോഗ്യനില കൂടുതൽ മെച്ചപ്പെട്ടതായി റിപ്പോര്‍ട്ട്. നിലവിൽ ഐസൊലേഷൻ വാര്‍ഡുകളിൽ കഴിയുന്ന ആര്‍ക്കും വൈറസ് ബാധിച്ചിട്ടില്ലെന്ന് കഴിഞ്ഞ ദിവസം സ്ഥിരീകരിച്ചിരുന്നു. അതേസമയം, യുവാവിന്‍റെ കൂടുതൽ ശരീരസ്രവ സാംപിളുകള്‍ പരിശോധനയ്ക്കായി പൂനെയിലെ ലാബിലേയ്ക്ക് അയയ്ക്കും.
കളമശ്ശേരി മെഡിക്കൽ കോളേജിൽ 50 പേരെ പാര്‍പ്പിക്കാവുന്ന ഐസൊലേഷൻ വാര്‍ഡ് തയ്യാറാക്കിയിട്ടുണ്ട്. ഇതിന്‍റെ ട്രയൽ റണ്ണും പൂര്‍ത്തീകരിച്ചിട്ടുണ്ട്. ഏത് അടിയന്തര സാഹചര്യം ഉണ്ടായാലും നേരിടുന്നതിന്‍റെ ഭാഗമാണ് നടപടിയെന്നാണ് ജില്ലാ ഭരണകൂടത്തിന്‍റെ വിശദീകരണം.
രോഗിയുമായി സമ്പര്‍ക്കം പുലര്‍ത്തിയ 327 പേരെയും ബന്ധപ്പെട്ട് വിശദാംശങ്ങള്‍ ശേഖരിക്കുകയും വിവരങ്ങള്‍ സൂക്ഷ്മമായി വിശകലനം ചെയ്യുകയും ചെയ്തിട്ടുണ്ട്. ഇതിൽ മുൻഗണനയുള്ള 52 പേരിലാണ് നിപ ലക്ഷണങ്ങളില്ലെന്ന് വ്യക്തമായിരിക്കുന്നത്.
കളമശ്ശേരി മെഡിക്കൽ കോളേജിൽ 50 പേരെ പാര്‍പ്പിക്കാവുന്ന ഐസൊലേഷൻ വാര്‍ഡ് തയ്യാറാക്കിയിട്ടുണ്ട്. ഇതിന്‍റെ ട്രയൽ റണ്ണും പൂര്‍ത്തീകരിച്ചിട്ടുണ്ട്. ഏത് അടിയന്തര സാഹചര്യം ഉണ്ടായാലും നേരിടുന്നതിന്‍റെ ഭാഗമാണ് നടപടിയെന്നാണ് ജില്ലാ ഭരണകൂടത്തിന്‍റെ വിശദീകരണം.
രോഗിയുമായി സമ്പര്‍ക്കം പുലര്‍ത്തിയ 327 പേരെയും ബന്ധപ്പെട്ട് വിശദാംശങ്ങള്‍ ശേഖരിക്കുകയും വിവരങ്ങള്‍ സൂക്ഷ്മമായി വിശകലനം ചെയ്യുകയും ചെയ്തിട്ടുണ്ട്. ഇതിൽ മുൻഗണനയുള്ള 52 പേരിലാണ് നിപ ലക്ഷണങ്ങളില്ലെന്ന് വ്യക്തമായിരിക്കുന്നത്.