സന്നിധാനം: ശബരിമല കയറാന് എത്തിയ രണ്ട് വനിതകളെ പോലീസ് തിരികെ അയച്ചു. ആന്ധ്ര പ്രദേശില് നിന്നുള്ള രണ്ട് പേരാണ് മല കയറാന് ഇന്ന് വൈകീട്ടോടെ പമ്പയില് എത്തിയത്. ഇവര് രണ്ടുപേരും 45, 48 വയസുള്ളവരാണ്. രണ്ടുപേരുടെയും പേര് വ്യക്തമല്ല. പമ്പ വരെ ജീപ്പ് മാര്ഗമാണ് സ്ത്രീകള് എത്തിയത്. പ്രതിഷേധക്കാരുടെ പ്രകോപനം ഒന്നുമില്ലാതിരുന്നിട്ടും പോലീസ് ഇവരെ തടയുകയായിരുന്നു. പോലീസ് പറയുന്നത് അനുസരിച്ച് ഈ രണ്ട് വനിതകളും പമ്പയില് എത്തിയപ്പോഴാണ് പോലീസിന്റെ ശ്രദ്ധ പതിയുന്നത്. അപ്പോള് തന്നെ ഇവരോട് സാഹചര്യങ്ങള് മോശമാണെന്ന് പോലീസ് ധരിപ്പിച്ചു. ഇത് മനസിലാക്കി ഇരുവരും മലകയറാതെ തിരികെ ഇറങ്ങുകയായിരുന്നു.
ശബരിമലയില് നിലവില് സ്ഥിതിഗതികള് ശാന്തമാണെന്നാണ് പോലീസ് സൂപ്രണ്ട് വി. അജിത് മാധ്യമങ്ങളോട് പറഞ്ഞത്. ശബരിമല കര്മ്മ സമിതി പ്രവര്ത്തകര് ശരണപാതയില് ഉണ്ടായിരുന്നു. ഇവര് സ്ത്രീകളെ തടയുമെന്ന സാഹചര്യം ഒഴിവാക്കുകയാണ് പോലീസ് ചെയ്തതെന്നാണ് പോലീസ് പറയുന്നത്. രണ്ട് സ്ത്രീകളും താഴേക്ക് ഇറങ്ങിത്തുടങ്ങി. ആന്ധ്രയില് നിന്നുള്ള ഒരു സംഘം ഭക്തര്ക്കൊപ്പമാണ് ഇവരും എത്തിയത്.
ശബരിമലയില് നിലവില് സ്ഥിതിഗതികള് ശാന്തമാണെന്നാണ് പോലീസ് സൂപ്രണ്ട് വി. അജിത് മാധ്യമങ്ങളോട് പറഞ്ഞത്. ശബരിമല കര്മ്മ സമിതി പ്രവര്ത്തകര് ശരണപാതയില് ഉണ്ടായിരുന്നു. ഇവര് സ്ത്രീകളെ തടയുമെന്ന സാഹചര്യം ഒഴിവാക്കുകയാണ് പോലീസ് ചെയ്തതെന്നാണ് പോലീസ് പറയുന്നത്. രണ്ട് സ്ത്രീകളും താഴേക്ക് ഇറങ്ങിത്തുടങ്ങി. ആന്ധ്രയില് നിന്നുള്ള ഒരു സംഘം ഭക്തര്ക്കൊപ്പമാണ് ഇവരും എത്തിയത്.