നദീറിനെതിരെയുള്ള യുഎപിഎ പിന്‍വലിച്ചു

കൊച്ചി: മാവോയിസ്റ്റ് ബന്ധം ആരാപിച്ച്‌ യുഎപിഎ ചുമത്തിയിരുന്ന ആക്ടിവിസ്റ്റ് നദീറിനെ കേസില്‍ നിന്ന് ഒഴിവാക്കി. . തെളിവില്ലെന്ന് കണ്ടതിനെത്തുടര്‍ന്നാണ് നദീറിനെതിരായ കേസ് പ്രത്യേക അന്വേഷണ സംഘം പിന്‍വലിച്ചത്.


ഒന്നര വര്‍ഷം നീണ്ട നിയമ പോരാട്ടത്തിനൊടുവില്‍ ഞാന്‍ ജയിച്ചു. കുടുംബത്തില്‍ നിന്നും സമൂഹത്തില്‍ നിന്നും ഒറ്റപ്പെടുത്തി ഒരാളെ ഭയത്തിന്റെ ദ്വീപില്‍ ഏറെ കാലം താമസിപ്പിച്ചിട്ട് ചില പൊലീസ് ഉദ്യോഗസ്ഥര്‍ എന്ത് നേടിയെന്ന് നദീര്‍ ഫെയ്‌സ്ബുക്കിലൂടെ പ്രതികരിച്ചു. കഴിഞ്ഞവര്‍ഷം ഡിസംബറിലാണ് നദീറിനെതിരെ യുഎപിഎ ചുമത്തി കണ്ണൂര്‍ ആറളം പൊലീസ് കേസെടുത്തത്. ആറളത്തെ ആദിവാസികള്‍ക്കിടയില്‍ മാവോയിസ്റ്റ് ലഘുലേഖ വിതരണം ചെയ്‌തെന്നായിരുന്നു ആരോപണം.യഥാര്‍ത്ഥ പ്രതിയെ തിരിച്ചറിഞ്ഞെന്നും രൂപ സാദൃശ്യം തെറ്റിദ്ധാരണ സൃഷ്ടിച്ചതാണെന്നും പൊലീസില്‍ നിന്നും അറിയാന്‍ കഴിഞ്ഞുവെന്ന് അദ്ദേഹം പറഞ്ഞു.