സ്‌കൂളുകളിലെ ഓണപ്പരീക്ഷ മാറ്റിവച്ചു

തിരുവനന്തപുരം: കാലവര്‍ഷക്കെടുതിയില്‍ സംസ്ഥാനത്തെ സ്കൂളുകള്‍ മിക്കതും ദുരിതാശ്വാസ ക്യാമ്പുകളായി പ്രവര്‍ത്തിക്കുന്നതിനാല്‍ ആഗസ്ത് 31 ന് നടത്താനിരുന്ന ഒാണപരീക്ഷകള്‍ മാറ്റിവച്ചു. ഒന്നു മുതല്‍ പത്തുവരെയുളള ക്ലാസുകളിലെ പരീക്ഷകളാണ് മാറ്റി വച്ചത്.

പരീക്ഷ മാറ്റിവച്ചതായും പുതുക്കിയ തിയ്യതി പിന്നീട് അറിയിക്കുമെന്നും പൊതു വിദ്യാഭ്യാസ ഡയറക്ടര്‍ അറിയിച്ചു. മിക്ക ജില്ലകളിലെയും സ്കൂളുകള്‍ ദുരിതാശ്വാസ ക്യാമ്പുകളായി പ്രവര്‍ത്തിക്കുകയാണ്.

കൂടാതെ ദിവസങ്ങളായി കനത്ത മഴ തുടരുന്നത് കാരണം മിക്ക ദിവസങ്ങളിലും വിദ്യാഭ്യാസ സ്ഥാപനങ്ങള്‍ക്ക് അവധി നല്‍കിയിരുന്നു. 9 ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് നാളെയും അവധി പ്രഖ്യാപിച്ചിട്ടുണ്ട്