കൊറോണ: സംസ്ഥാനത്ത് എസ്എസ്എൽസി, പ്ലസ്ടു പരീക്ഷകളും മാറ്റി

തിരുവനന്തപുരം: സംസ്ഥാനത്ത് എസ്എസ്എൽസി, പ്ലസ്ടു പരീക്ഷകൾ മാറ്റാൻ തീരുമാനം. മുഖ്യമന്ത്രിയുടെ അധ്യക്ഷതയിൽ ചേർന്ന ഉന്നതല യോഗത്തിലാണ് തീരുമാനം എടുത്തത്. സർവകലാശാല പരീക്ഷകളും മാറ്റിയിട്ടുണ്ട്. പുതുക്കിയ പരീക്ഷാ തീയതി പിന്നീട് അറിയിക്കും.

കൊറോണ വൈറസ് ഭീതിപടരുന്ന സാഹചര്യത്തിലാണ് തീരുമാനം. നേരത്തെ രാജ്യത്ത് മറ്റെല്ലാ പരീക്ഷകളും മാറ്റിവെച്ചപ്പോൾ കേരളത്തിൽ പ്രധാന പരീക്ഷകളുമായി മുന്നോട്ട് പോകാനായിരുന്നു സർക്കാർ തീരുമാനിച്ചത്. ഈ തീരുമനാമാണ് ഇപ്പോൾ മാറ്റിയിരിക്കുന്നത്.

Also Read: LIVE: കൊവിഡ് 19: ഇന്ത്യയില്‍ ഒരാള്‍ കൂടി മരിച്ചു; രോഗബാധിതര്‍ 200 കടന്നു

കൊറോണ വൈവൈറസിന്‍റെ സാമൂഹിക വ്യാപനത്തിന്‍റെ സാധ്യത നിലനില്‍ക്കുന്നതിനാല്‍ മുന്‍കരുതലിന്‍റെ ഭാഗമായാണ് നടപടിയെന്ന് അധികൃതർ വ്യക്തമാക്കിയിട്ടുണ്ട്.

നേരത്തെ കേന്ദ്രസർക്കാരും പരീക്ഷകൾ ഉൾപ്പെടെ എല്ലാം മാറ്റിവെക്കാൻ തീരുമാനിച്ചിരുന്നു. ഈ സാഹചര്യത്തിൽകൂടിയാണ് കേരളവും പരീക്ഷകൾ മാറ്റാൻ തീരുമാനിച്ചത്. സിബിഎസ്ഇ, ഐസിഎസ്ഇ അടക്കമുള്ള പരീക്ഷകള്‍ മാറ്റിയിട്ടും സംസ്ഥാന സര്‍ക്കാര്‍ പരീക്ഷകള്‍ മാറ്റിവയ്ക്കാത്തത് നേരത്തെ ചർച്ചയായിരുന്നു.