ആപ്പ്ജില്ല

'സംസ്ഥാനത്ത് 50% കുട്ടികളുമായി ക്ലാസ് തുടങ്ങാൻ ആലോചന'; പരീക്ഷകൾ കേന്ദ്രവുമായി ആലോചിച്ചെന്ന് റിപ്പോർട്ട്

കേരളത്തിൽ സ്കൂൾ തുറക്കുക എപ്പോൾ എന്നാണ് വിദ്യാർഥികളും രക്ഷിതാക്കളും ഒരുപോലെ ഉറ്റുനോക്കുന്നത്. ഇക്കാര്യത്തിൽ ഡിസംബർ 17ന് ചേരുന്ന യോഗത്തിലാണ് അന്തിമതീരുമാനമുണ്ടാവുക

Samayam Malayalam 13 Dec 2020, 11:31 pm
തിരുവനന്തപുരം: സംസ്ഥാനത്ത് അൻപത് ശതമാനം വീതം വിദ്യാർഥികളുമായി അടുത്ത മാസത്തോടെ പത്ത്, പന്ത്രണ്ട് ക്ലാസുകൾ തുടങ്ങാൻ വിദ്യാഭ്യാസവകുപ്പ് ആലോചിക്കുന്നതായി റിപ്പോർട്ട്. മുഖ്യമന്ത്രി വിളിച്ച യോഗത്തിലാണ് ഇതുസംബന്ധിച്ച തീരുമാനം ഉണ്ടാവുകയെന്ന് ഏഷ്യാനെറ്റ് ന്യൂസാണ് റിപ്പോർട്ട് ചെയ്തത്. 17ാം തീയതിയാണ് മുഖ്യമന്ത്രി വിളിച്ച് ചേർത്ത യോഗം നടക്കുക.
Samayam Malayalam School
പ്രതീകാത്മക ചിത്രം. PHOTO: PTI


ക്ലാസുകൾ തുടങ്ങുന്നത് സംബന്ധിച്ച് മുഖ്യമന്ത്രിയുടെ നേതൃത്വത്തിലുള്ള യോഗത്തിൽ തീരുമാനം ഉണ്ടാവുമെങ്കിലും പത്ത്, പന്ത്രണ്ട് ക്ലാസ്സുകളിലെ പരീക്ഷ സംബന്ധിച്ച് കേന്ദ്ര സർക്കാരുമായി ചർച്ച ചെയ്താകും തീരുമാനം എടുക്കുകയെന്നും ഏഷ്യാനെറ്റ് റിപ്പോർട്ട് പറയുന്നു. കൊവിഡ് സാഹചര്യത്തിൽ സംസ്ഥാനത്തെ വിദ്യാഭ്യാസ സ്ഥാപനങ്ങൾ നിലവിൽ അടഞ്ഞ് കിടക്കുകയാണ്.

Also Read : വോട്ടെടുപ്പ് അവസാന ഘട്ടത്തിൽ; ജില്ലകളിലെ ഈ കൊവിഡ് കണക്കുകൾ അറിഞ്ഞിരിക്കാം

സ്കൂളുകൾ എപ്പോൾ തുറക്കും, ഏതൊക്കെ ക്ലാസിലെ വിദ്യാർഥികൾക്കാകും സ്കൂളിലേക്ക് പോകേണ്ടി വരിക, പത്താം ക്ലാസ് പരീക്ഷ എന്ന്, തുടങ്ങി നിരവധി ചോദ്യങ്ങൾ കഴിഞ്ഞ മാസങ്ങളിലായി ഉയർന്ന് വന്നിരുന്നു. പുറത്ത് വരുന്ന റിപ്പോർട്ടുകൾ പ്രകാരം താഴ്ന്ന ക്ലാസുകളിലെ കുട്ടികൾക്ക് ഈ വർഷം പരീക്ഷ ഉണ്ടാകാനിടയില്ല. എന്നാൽ ഇതുവരെയും ഇക്കാര്യത്തിൽ ഔദ്യോഗിക സ്ഥിരീകരണം വന്നിട്ടില്ല.

Also Read : സംസ്ഥാനത്ത് ഇന്ന് നാലായിരത്തിലേറെ കൊവിഡ് കേസുകൾ; 5258 പേർക്ക് രോഗമുക്തി

ഡിസംബർ 17 ന് തിരുവനന്തപുരത്താണ് മുഖ്യമന്ത്രി വിളിച്ചുചേർത്ത യോഗം. പൊതു പരീക്ഷയുള്ള 10, 12 ക്ലാസുകൾ ജനുവരിയിൽ തുറക്കാനാവുമോ എന്നാണ് യോഗത്തിൽ ചർച്ചചെയ്യുക. കൊവിഡ് സ്ഥിതി വിലയിരുത്തിയ ശേഷമാകും തീരുമാനം. 10, 12 ക്ലാസുകളിലെ അധ്യാപകരോട് ഡിസംബർ 17 മുതൽ സ്കൂളിലെത്താൻ നേരത്തെ ആവശ്യപ്പെട്ടിട്ടുണ്ട്. 50 ശതമാനം അധ്യാപകർ ഒന്നിടവിട്ട ദിവസങ്ങളിലെത്താനാണ് ആവശ്യപ്പെട്ടിരിക്കുന്നത്.

ആര്‍ട്ടിക്കിള്‍ ഷോ

ട്രെൻഡിങ്